തിരൂര്‍ ഇല്ലത്തപ്പാടത്തെ ക്വാര്‍ട്ടേഴ്സില്‍ താമസിക്കുന്ന ഇതര സംസ്ഥാന തൊഴിലാളി കുടുംബത്തിലെ മൂന്ന് വയസുകാരന്‍ മരിച്ച സംഭവത്തില്‍ രണ്ടാനച്ഛന്‍ പിടിയില്‍. സംഭവത്തിന് ശേഷം തിരൂരില്‍ നിന്ന് കടന്നുകളഞ്ഞ ഇയാളെ ഒറ്റപ്പാലത്തു നിന്നാണ് പിടികൂടിയത്.
പശ്ചിമബംഗാള്‍ ഹുഗ്ലി സ്വദേശി മുംതാസ് ബീവിയുടെ മൂന്ന് വയസുള്ള മകന്‍ ഷെയ്ഖ് സിറാജിനെ ഗുരുതരാവസ്ഥയിലാണ് ആശുപത്രിയിലെത്തിച്ചത്. മര്‍ദനത്തില്‍ പരിക്കേറ്റ കുട്ടിയെ രണ്ടാനച്ഛന്‍ അര്‍മാന്‍ ആശുപത്രിയിലെത്തിച്ച്‌ കടന്നുകളയുകയായിരുന്നു. ഫോണ്‍ ലൊക്കേഷന്‍ പരിശോധിച്ച്‌ നടത്തിയ അന്വേഷണത്തിലാണ് ഇയാള്‍ പിടികൂടിയത്.
കുട്ടിയുടെ ഇന്‍ക്വസ്റ്റ് നടപടികള്‍ പൂര്‍ത്തിയാക്കി പോസ്റ്റ്മോര്‍ട്ടത്തിന് മൃതദേഹം കോഴിക്കോട് മെഡിക്കല്‍ കോളജിലേക്ക് മാറ്റി.
