കണ്ണൂര്: സിപിഎം പാര്ട്ടി സമ്മേളന വേദിയായ നായനാര് അക്കാദമിയില് അനധികൃത നിര്മ്മാണ പ്രവര്ത്തനങ്ങള് നടത്തിയത് കണ്ടെത്തിയതിനെ തുടർന്ന് കന്റോണ്മന്റ് ബോര്ഡ് വീണ്ടും നോട്ടീസ് നല്കി. നോട്ടീസിന് മറുപടി ഒരു മാസത്തിനകം നല്കണമെന്നാണ് നിര്ദ്ദേശിച്ചിരിക്കുന്നത്.
പ്രവൃത്തിക്ക് ചിലവായ തുകയുടെ 20 ശതമാനം പിഴയായി അടച്ചാൽ മാത്രമേ നിര്മ്മാണ പ്രവര്ത്തനങ്ങള് അംഗീകരിക്കുകയുള്ളു. അല്ലാത്ത പക്ഷം ഇവ നീക്കം ചെയ്യുമെന്നുമാണ് നോട്ടീസില് പറഞ്ഞിരിക്കുന്നത്.
കന്റോണ്മെന്റ് ആക്ട് സെക്ഷന് 248 പ്രകാരമാണ് നോട്ടീസ് നല്കിയിരിക്കുന്നത്. തീരദേശപരിപാലന നിയമലംഘനം ഉള്പ്പെടെ നടത്തിയതായി കണ്ടെത്തിയിട്ടുണ്ട്. പന്തല് നിര്മ്മിക്കാനുള്ള അനുമതിയുടെ മറവില് കെട്ടിടം നിര്മ്മിച്ചു എന്നും ബോര്ഡ് ആരോപിക്കുന്നു.

