ദില്ലി: ഒരു ഇടവേളയ്ക്ക് ശേഷം രാജ്യത്ത് കോവിഡ് കേസുകള് വർദ്ധിക്കുന്നതായി റിപ്പോർട്ട്. വിവിധ സ്കൂളുകളില് വിദ്യാര്ത്ഥികളടക്കമുള്ളവര്ക്ക് കഴിഞ്ഞ കുറച്ചു ദിവസമായി കോവിഡ് സ്ഥിരീകരിക്കുന്ന പശ്ചാത്തലത്തില് ദില്ലിയില് വീണ്ടും നിയന്ത്രണങ്ങള് കടുപ്പിക്കുകയാണ് സർക്കാർ.
ദില്ലിയിൽ കോവിഡ് കേസുകളില് 50 ശതമാനത്തിന്റെ വര്ദ്ധനവ് രേഖപ്പെടുത്തിയതിന് പിന്നാലെയാണ് സര്ക്കാര് നടപടി. ഈ പശ്ചാത്തലത്തില്, സ്കൂളുകള് കൂടുതല് ജാഗ്രത പുലര്ത്തണമെന്ന് സര്ക്കാര് വ്യക്തമാക്കി.ഇത് സംബന്ധിച്ച നിർദ്ദേശം സർക്കാർ പുറപ്പെടുവിച്ചു.
കൂടാതെ വിദ്യാര്ത്ഥികളും അധ്യാപകരും സ്കൂളില് വരുമ്പോൾ മാസ്ക് നിര്ബന്ധമായും ധരിച്ചിരിക്കണമെന്നും സാമൂഹിക അകലം പാലിക്കണമെന്നും കൂടുതല് വിദ്യാര്ത്ഥികള്ക്ക് രോഗം കണ്ടെത്തിയാല് സ്കൂള് അടച്ചിടണമെന്നും സര്ക്കാര് നിര്ദ്ദേശത്തില് പറയുന്നു