കോഴിക്കോട്: കോഴിക്കോട് ചില്ഡ്രന്സ് ഹോമില് സ്ഥാപിച്ച സിസിടിവി ക്യാമറകൾ നശിപ്പിച്ച നിലയില്. ക്യാമറകളിലേക്കുള്ള കണക്ഷന് വയറും ഉപകരണങ്ങളുമാണ് നശിപ്പിച്ചത്. ഇതേ തുടർന്ന് ഹോം സൂപ്രണ്ട് ഇന്ന് പോലിസില് പരാതി നല്കും
ആറ് പെണ്കുട്ടികള് ചില്ഡ്രന്സ് ഹോമില് നിന്നും കുറച്ച് മാസങ്ങൾക്ക് മുമ്പ് ചാടിപ്പോയിരുന്നു. പിന്നീട് ഈ പെൺകുട്ടികളെ പോലീസ് പിടികൂടിയിരുന്നു. എന്നാൽ പിടിയിലായ പെണ്കുട്ടികള് ജീവനക്കാര്ക്കെതിരേയടക്കം ഗുരുതര ആരോപണങ്ങളുന്നയിച്ചിരുന്നു.
ഈ സാഹചര്യത്തിലാണ് ചില്ഡ്രന്സ് ഹോമില് 17 സിസിടിവി ക്യാമറകള് സ്ഥാപിച്ചത്. എന്നാൽ ഇവിടെ നടക്കുന്ന സംഭവങ്ങള് പുറം ലോകമറിയാതിരിക്കാന് ജീവനക്കാര് തന്നെയാണ് ക്യാമറകള് നശിപ്പിച്ചതെന്നാണ് പ്രാഥമിക നിഗമനം.

