മലയാളത്തിന്റെ സ്വന്തം ലാലേട്ടനെ നായകനാക്കി ജീത്തു ജോസഫ് സംവിധാനം ചെയ്യുന്ന ചിത്രം ‘ട്വൽത്ത് മാനി’ലെ ടൈറ്റിൽ ഗാനം റിലീസ് ചെയ്തു. ‘ഫൈൻഡ് മീ’ എന്ന് തുടങ്ങുന്ന ഗാനം ആശിർവാദ് സിനിമാസിന്റെ യൂട്യൂബ് ചാനലിലൂടെയാണ് റിലീസ് ചെയ്തിരിക്കുന്നത്. അനിൽ ജോൺസൻ ആണ് ഗാനം ഒരുക്കിയിരിക്കുന്നത്. സൗപർണിക രാജ്ഗോപാൽ ആലപിച്ചിരിക്കുന്ന ഗാനത്തിന് വരികൾ വിനായക് ശശികുമാർ ആണ് രചിച്ചിരിക്കുന്നത്
https://www.youtube.com/watch?v=i2cxkMUYIYc
അതേസമയം ‘ദൃശ്യം 2’ എന്ന വന്‍ ഹിറ്റ് ചിത്രത്തിന് ശേഷം മോഹന്‍ലാലും ജീത്തു ജോസഫും ഒന്നിക്കുന്ന ചിത്രമാണ് ‘ട്വല്‍ത്ത് മാന്‍’. കഴിഞ്ഞ വര്‍ഷം ഓഗസ്റ്റിലാണ് സിനിമയുടെ ചിത്രീകരണം ആരംഭിച്ചത്. 24 മണിക്കൂറിനുള്ളില്‍ നടക്കുന്ന ഒരു കഥയാണ് ചിത്രമെന്ന് ജീത്തു ജോസഫ് റിപ്പോര്‍ട്ടര്‍ ലൈവുമായുള്ള അഭിമുഖത്തില്‍ പറഞ്ഞിരുന്നു. ഒരു ലൊക്കേഷന്‍ തന്നെയാണ് സിനിമയില്‍ കൂടുതലും ഉള്ളത്.
ചിത്രത്തിൽ സൈജു കുറുപ്പ് അവതരിപ്പിക്കുന്ന മാത്യു, പ്രിയങ്ക നായർ അവതരിപ്പിക്കുന്ന ആനി, ഉണ്ണിമുകുന്ദന്റെ സക്കറിയ എന്ന കഥാപാത്രം, ഡോക്ടർ നയനയായി ശിവദയും എത്തും. കൂടാതെ അനുശ്രീ, അദിതി രവി, ഷൈന്‍ ടോം ചാക്കോ, വീണ നന്ദകുമാര്‍, തുടങ്ങിയവരാണ് ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നത്.
ഡിസ്‌നി പ്ലസ് ഹോട്ട്സ്റ്റാറിലൂടെ സിനിമ റിലീസ് ചെയ്യുന്നത്.ആശിര്‍വാദ് സിനിമാസിന്റെ ബാനറില്‍ ആന്റണി പെരൂമ്പാവൂര്‍ ആണ് ചിത്രം നിര്‍മിക്കുന്നത്. കെ ആര് കൃഷ്ണകുമാറാണ് ചിത്രത്തിന്റെ തിരക്കഥയെഴുതുന്നത്. പശ്ചാത്തലസംഗീതം അനില്‍ ജോണ്‍സണുമാണ്. സതീഷ് കുറുപ്പ് ആണ് ചിത്രത്തിന്റെ ഛായാഗ്രാഹണം. രാജീവ് കോവിലകം ചിത്രത്തിന്റെ കലാസംവിധാനം നിര്‍വഹിക്കുന്നു. ലിന്റ ജീത്തുവാണ് ചിത്രത്തിന്റെ കോസ്റ്റ്യൂം ഡിസൈന്‍.
