തൃശൂര്: കുരഞ്ഞിയൂര് സ്വദേശിയായ യുവാവിന്റെ മരണകാരണം മങ്കിപോക്സ് തന്നെയാണെന്ന് സ്ഥിരീകരിച്ച സാഹചര്യത്തിൽ കൂടുതല് പരിശോധനകള് നടന്നുവരികയാണെന്ന് മന്ത്രി വീണാ ജോര്ജ്. മങ്കിപോക്സിന്റെ സ്ഥിരം ലക്ഷണങ്ങൾ മരിച്ച യുവാവിന് ഉണ്ടായിരുന്നില്ലെന്നും എന്ഐവിയുടെ സഹായത്തോടെ ഏത് വകഭേദമാണെന്ന് പരിശോധിച്ചുവരികയാണെന്നും ആരോഗ്യമന്ത്രി വ്യക്തമാക്കി.
യുവാവിനെ ബാധിച്ചത് പുതിയ വകഭേദമാണോയെന്നുള്പ്പെടെ പ്രത്യേകസംഘം പരിശോധിക്കുമെന്ന് ആരോഗ്യമന്ത്രി പറഞ്ഞു. മരിച്ച യുവാവിന്റെ വിശദമായ സമ്പര്ക്കപ്പട്ടിക തയാറാക്കുമെന്നും മന്ത്രി വീണാ ജോര്ജ് പറഞ്ഞു. വിദേശത്ത് നിന്നെത്തുന്നവരില് ലക്ഷണങ്ങള് പ്രകടമായാല് ഉടന് ചികിത്സ തേടണം. രോഗലക്ഷണമുള്ളവര് ആരോഗ്യവകുപ്പിനെ സമീപിക്കണമെന്നും വീണാ ജോര്ജ് കൂട്ടിച്ചേര്ത്തു.