ദില്ലി : 2025ൽ ജപ്പാനെ മറികടന്ന് ലോകത്തിലെ നാലാമത്തെ വലിയ സമ്പദ്‌വ്യവസ്ഥയായി ഭാരതം മാറുമെന്ന് പ്രവചിച്ച് നിതി ആയോഗ് മുന്‍ സിഇഒ അമിതാഭ് കാന്ത്. വിവിധ മാക്രോ ഇക്കണോമിക് പാരാമീറ്ററുകള്‍ നന്നായി പ്രവര്‍ത്തിക്കുന്നുണ്ടെന്ന് ചൂണ്ടിക്കാട്ടിയാണ് അദ്ദേഹം ഇക്കാര്യം വ്യക്തമാക്കിയത്.
ഇന്ത്യയുടെ ജിഡിപി യുഎസ്, ചൈന, ജര്‍മ്മനി, ജപ്പാന്‍ എന്നിവയ്‌ക്ക് ശേഷം നിലവില്‍ അഞ്ചാം സ്ഥാനത്താണ്. 2022 ലാണ് ഇംഗ്ലണ്ടിനെ മറികടന്ന് ഇന്ത്യ അഞ്ചാം സ്ഥാനത്തെത്തിയത്. റെക്കോര്‍ഡ് ജിഎസ്ടി കളക്ഷന്‍, കഴിഞ്ഞ മൂന്ന് പാദങ്ങളിലെ 8 ശതമാനത്തിലധികം ജിഡിപി വളര്‍ച്ച, ഇന്ത്യൻ കറൻസിയിൽ വിവിധ രാജ്യങ്ങളുമായുള്ള വ്യാപാരം, നിയന്ത്രിതമായ പണപ്പെരുപ്പം എന്നിവയാണ് അമിതാഭ് കാന്തിന്റെ അഭിപ്രായത്തില്‍ ഭാരതത്തിന്റെ വളര്‍ച്ചയ്‌ക്ക് കാരണം. 2013ലെ അവസ്ഥ നോക്കുമ്പോൾ 2024ല്‍ ലോകത്തിലെ ഏറ്റവും മികച്ച 5 സമ്പദ്‌വ്യവസ്ഥകളിലേക്കുള്ള ഇന്ത്യയുടെ യാത്ര ശ്രദ്ധേയമാണെന്നും അമിതാഭ് കാന്ത് പറഞ്ഞു. നിലവില്‍, ഇന്ത്യയുടെ ജിഡിപി ഏകദേശം 3.7 ട്രില്യണ്‍ യുഎസ് ഡോളറാണ്.
കൂടാതെ കേന്ദ്രസർക്കാരിന്റെ രാഷ്ട്രീയ സ്ഥിരത, ആർബിഐയുടെ പണനയം എന്നിവയെല്ലാം ഇന്ത്യൻ സമ്പദ് വ്യവസ്ഥയ്‌ക്ക് ഊർജ്ജം നൽകി. ഇന്റർനാഷണൽ മോണിറ്ററി ഫണ്ടിന്റെ വേൾഡ് ഇക്കണോമിക് ഔട്ട് ലുക്കിലെ ഏറ്റവും പുതിയ വിവരങ്ങളനുസരിച്ച് 2024 ൽ അതിവേഗം വളരുന്ന സമ്പദ്
