ബെയ്ജിംഗ്: കൊറോണ വൈറസ് പൊട്ടിപ്പുറപ്പെട്ട ചൈന കോവിഡിന്റെ പിടിയിൽ നിന്ന് മുക്തമാവുന്നു. കോവിഡ് യൂറോപ്പില്‍ പ്രതിസന്ധി സൃഷ്ടിച്ചുകൊണ്ടിരിക്കുമ്പോൾ ചൈനയില്‍നിന്ന് ഈ പകര്‍ച്ചവ്യാധി മാഞ്ഞുകൊണ്ടിരിക്കുന്നതായി റിപ്പോര്‍ട്ട്. ഇതിന്റെ തെളിവാണ് ചൊവ്വാഴ്ച്ച ചൈനയില്‍ പുതിയ കോവിഡ് കേസുകളൊന്നും റിപ്പോര്‍ട്ട് ചെയ്തില്ല എന്നുള്ളത്.
കിട്ടുന്ന വിവരങ്ങൾ അനുസരിച്ച് ചൈനയിലാകെ 81,518 പേര്‍ക്കാണ് വൈറസ് ബാധിച്ചത്. ഇതില്‍ 76,052 പേരും രോഗ മുക്തി നേടി. ഇതുവരെ 3,305 പേരാണ് കൊറോണ ബാധിച്ച്‌ മരിച്ചത്.
