മുംബൈ : രണ്ട് ദിവസത്തെ സന്ദർശനത്തിനായി പൂനെയിലെത്തിയ എത്തിയ കേന്ദ്ര ആഭ്യന്തരമന്ത്രി അമിത് ഷായ്ക്ക് വമ്പൻ സ്വീകരണം. മഹാരാഷ്ട്ര ഉപമുഖ്യമന്ത്രി അജിത് പവാറുമായി അദ്ദേഹം ആദ്യമായി വേദി പങ്കിടുകയും ചെയ്തു.
‘‘ഞാനും അജിത് പവാറും ആദ്യമായാണ് ഒരുമിച്ച് വേദി പങ്കിടുന്നത്. വികസന പ്രവർത്തനങ്ങൾക്ക് നേതൃത്വം നൽകാൻ ശരിയായ വ്യക്തിയാണ് അജിത് ദാദ എന്നു പറയാൻ ആഗ്രഹിക്കുന്നു. വളരെ കാലങ്ങൾക്കു ശേഷം ഒരു കാര്യം പറയാൻ ആഗ്രഹിക്കുകയാണ്. ഇപ്പോഴാണ് താങ്കൾ ശരിയായ വേദിയിലിരിക്കുന്നത്.’’– അജിത് പവാറിനെ വേദിയിലിരുത്തിക്കൊണ്ട് അമിത് ഷാ പറഞ്ഞു.
നേരത്തെ പ്രതിപക്ഷ നിർത്താവായിരുന്ന അജിത് പവാർ, എൻസിപിയെ പിളർത്തിക്കൊണ്ട് ബിജെപി–ശിവസേന മുന്നണിയിലെത്തിയതിനു ശേഷം ഇതാദ്യമായാണ് അമിത് ഷാ പുണെയിൽ എത്തുന്നത്. മുഖ്യമന്ത്രി ഏക്നാഥ് ഷിൻഡെ, ഉപമുഖ്യമന്ത്രിമാരായ ദേവേന്ദ്ര ഫഡ്നാവിസ്, അജിത് പവാർ എന്നിവർ അമിത് ഷായ്ക്ക് ഊഷ്മളമായ സ്വീകരണം നൽകാൻ എത്തിയിരുന്നു.