തളിപ്പറമ്പ് : കരിമ്പം കില ഉപകേന്ദ്രത്തിൽ സിപിഎം സംസ്ഥാന സെക്രട്ടറി എം.വി.ഗോവിന്ദൻ സംസാരിക്കവെ സദസ്സിലേക്ക് പാമ്പ് ഇഴഞ്ഞെത്തിയ പാമ്പ് പരിഭ്രാന്തി പരത്തി. സ്ത്രീകൾ ഇരിക്കുന്ന സ്ഥലത്താണു പാമ്പ് ഇഴഞ്ഞെത്തിയത്. പാമ്പിനെ കണ്ടതോടെ പരിഭ്രാന്തരായ പലരും ഓടുന്നതിനിടെ കസേരയിൽ നിന്നു മറിഞ്ഞുവീണു. ബഹളത്തിനിടയിൽ പാമ്പ് പുറത്തേയ്ക്കു നീങ്ങിയതോടെയാണ് പലരുടെയും ശ്വാസം നേരെ വീണത്.
അതേസമയം ചേരയാണു ഇഴഞ്ഞു വന്നതെന്നു കണ്ടെത്തി. നാടുകാണിയിൽ ആരംഭിക്കുന്ന മൃഗശാലയെക്കുറിച്ച് ഗോവിന്ദൻ പ്രസംഗിക്കുന്നതിനിടെയായിരുന്നു പാമ്പിന്റെ രംഗ പ്രവേശനം. കിലയിൽ ആരംഭിക്കുന്ന രാജ്യാന്തര നേതൃത്വ പഠന കേന്ദ്രത്തിന്റെ കെട്ടിട നിർമാണം ഉദ്ഘാടനം ചെയ്തു സംസാരിക്കുകയായിരുന്നു ഗോവിന്ദൻ