അടൂർ: കോതമംഗലത്ത് പെട്രോൾ പമ്പിൽ വച്ച് വാഹനത്തിന് തീപിടിച്ചു. ഇന്ന് രാവിലെ കുരൂർ പാലത്തിന് സമീപത്തെ പമ്പില്‍ വെച്ചാണ് സംഭവം. കോതമംഗലം സ്വദേശി രാജുവിൻ്റെ ഒമ്‌നി വാനാണ് അപകടത്തിൽ കത്തിയത്.
ഗ്യാസ് നിറക്കാൻ ഒമ്‌നി വാനുമായി എത്തിയപ്പോൾ അപ്രതീക്ഷിതമായി ഒമ്‌നി വാനിൽ തീ പടരുകയായിരുന്നു. ഉടനെ പെട്രോൾ പമ്പിലുള്ളവർ ചേർന്ന് വാൻ പുറത്തേക്ക് തള്ളിമാറ്റുകയായിരുന്നു
കോതമംഗലം അഗ്നി രക്ഷാ സേന സ്ഥലത്തെത്തി തീയണച്ചെങ്കിലും വാൻ മുഴുവനായും കത്തിയമർന്നു.
പോലീസും മോട്ടോർ വാഹന വകുപ്പ് ഉദ്യോഗസ്ഥരും സ്ഥലത്തെത്തി പരിശോധന നടത്തി.
ഗ്യാസ് നിറച്ച് കഴിഞ്ഞ് വണ്ടി എടുക്കാൻ ശ്രമിക്കുന്നതിനിടയിൽ വാഹനത്തിൽ തീ കണ്ടതിനെ തുടർന്ന് വാഹനം പുറത്തേക്ക് തള്ളിമാറ്റിയതോടെ വന്‍ അപകടം ഒഴിവായി.
