കോഴിക്കോട് : മെഡിക്കൽ കോളേജിന് സമീപം യുവാവിനെ തൂങ്ങി മരിച്ച നിലയിൽ കണ്ടെത്തി. വയനാട് മേപ്പാടി പാറ വയൽ സ്വദേശി വിശ്വനാഥനാണ് മരിച്ചത്. മെഡിക്കൽ കോളജിന് സമീപമുള്ള ആളൊഴിഞ്ഞ പ്രദേശത്താണ് തൂങ്ങിയ നിലയിൽ ഇയാളെ കണ്ടെത്തിയത്. 15 മീറ്റർ ഉയരമുള്ള മരത്തിൽ തൂങ്ങിയ നിലയിലാണ് ഇയാളെ കണ്ടത്.
കോഴിക്കോട് മെഡിക്കൽ കോളജിലെ മാതൃ ശിശു സംരക്ഷണ കേന്ദ്രത്തിൽ നിന്ന് കാണാതായ വനവാസി യുവാവിനെയാണ് മരിച്ച വിശ്വനാഥൻ . മെഡിക്കൽ കോളജിൽ രോഗിയോടൊപ്പം വന്ന വിശ്വനാഥനെ കാണാതാവുകയായിരുന്നു. പോലീസ് സംഭവ സ്ഥലത്ത് പരിശോധന നടത്തുകയാണ്.
