ബംഗാള്‍: അദ്ധ്യാപക നിയമന അഴിമതിക്കേസില്‍ തൃണമൂല്‍ കോണ്‍ഗ്രസ് നേതാവ് അഭിഷേക് ബാനര്‍ജിക്ക് കനത്ത തിരിച്ചടി. ഇഡി അന്വേഷണം തുടരാനുളള കൊല്‍ക്കത്ത ഹൈക്കോടതിയുടെ നടപടി സുപ്രീം കോടതി ശരിവെച്ചു. അഴിമതിക്കേസില്‍ അഭിഷേകിനെ ചോദ്യം ചെയ്യാന്‍ ഇഡിക്കും സിബിഐക്കും അനുമതി നല്‍കി..
ഇതേ കേസ് അന്വേഷണവുമായി ബന്ധപ്പെട്ട് ഈ മാസം ആദ്യം ഇഡി അഭിഷേക് ബാനര്‍ജിയെ ചോദ്യം ചെയ്യാന്‍ വിളിപ്പിച്ചിരുന്നു. അഴിമതിക്കേസ് അന്വേഷിക്കാന്‍ കേന്ദ്ര അന്വേഷണ ഏജന്‍സിക്ക് സ്വതന്ത്രമായ അവകാശമുണ്ടെന്നും അന്വേഷണം തുടരാമെന്നും കോടതി പറഞ്ഞു.
