അമ്പലപ്പുഴ: കാറും മിനി ടിപ്പറും കൂട്ടിയിടിച്ച് ഉണ്ടായ അപകടത്തില് രണ്ടു പേര്ക്കു പരിക്ക്. കാര് യാത്രികന് വണ്ടാനം വെളുത്തേടത്ത് കുഞ്ഞുമോന്(51), ടിപ്പര് ക്ലീനര് ബംഗാള് സ്വദേശി യാസില്(30) എന്നിവര്ക്കാണ് പരിക്കേറ്റത്.
ദേശീയപാതയില് ചൊവ്വാഴ്ച ഉച്ചയ്ക്ക് 12ഓടെയായിരുന്നു അപകടം നടന്നത്. പരിക്കേറ്റവരെ പുന്നപ്ര പോലീസും നാട്ടുകാരും ചേര്ന്ന് ആലപ്പുഴ മെഡിക്കല് കോളജ് ആശുപത്രിയിലെത്തിച്ചു. ജൈവവളം നിറച്ച
ചാക്കുകള് കേറ്റിവന്ന ടിപ്പറാണ് മറിഞ്ഞത്. തുടർന്നുണ്ടായ അപകടത്തിൽ വാഹനത്തിലുണ്ടായിരുന്ന ചാക്കുകള് റോഡില് ചിതറുകയും ഏറെ നേരം ഗതാഗതം തടസപ്പെടുകയുമുണ്ടായി.
ആലപ്പുഴയില് നിന്നുള്ള അഗ്നിരക്ഷാസേനയും നട്ടുകാരും ചേര്ന്ന് ജൈവവളം നിറച്ച ചാക്കുകള് നീക്കം ചെയ്തതിനു ശേഷമാണ് ഗതാഗതം പുനഃസ്ഥാപിച്ചത്. പിന്നീട് ക്രെയിന് ഉപയോഗിച്ച് ടിപ്പര് റോഡിന്റെ അരികിലേക്കു മാറ്റുകയാണ് ചെയ്തത്.
