കൊച്ചി: പ്രശസ്ത ചലച്ചിത്രതാരം കസാന് ഖാന് അന്തരിച്ചു. ഹൃദയാഘാതത്തെ തുടര്ന്നായിരുന്നു അന്ത്യം. പ്രൊഡക്ഷന് കണ്ട്രോളറും നിര്മാതാവുമായ എന്.എം ബാദുഷയാണ് അദ്ദേഹത്തിന്റെ വിയോഗം പുറത്തുവിട്ടത്. ഗാന്ധര്വ്വം, സിഐഡി മൂസ, ദ കിങ്, വര്ണപ്പകിട്ട്, ഡ്രീംസ്, ദ ഡോണ്, മായാമോഹിനി, രാജാധിരാജ, ഇവന് മര്യാദരാമന്, ഓ ലൈല ഓ തുടങ്ങിയ ജനപ്രിയ മലയാള ചിത്രങ്ങളിൽ ശ്രദ്ധേയമായ വേഷങ്ങൾ അദ്ദേഹം അനശ്വരമാക്കി.
1992 ല് പുറത്തിറങ്ങിയ സെന്തമിഴ് പാട്ട് എന്ന തമിഴ് ചിത്രത്തിലൂടെയാണ് കസാന് ഖാന് സിനിമാ രംഗത്ത് അരങ്ങേറ്റം കുറിക്കുന്നത്. മലയാളത്തിന് പുറമേ തമിഴിലും കന്നടയിലുമായി അന്പതോളം സിനിമകളില് അഭിനയിച്ചു.
