വ്യവസായി രവി പിള്ളയുടെ മകൻ ഗണേഷ് വിവാഹിതനായി. അഞ്ജന സുരേഷാണ് വധു. ഇന്ന് രാവിലെ ഗുരുവായൂര് ക്ഷേത്രനടയില് വെച്ചു നടന്ന വിവാഹ ചടങ്ങിൽ നടൻ മോഹൻലാൽ ഭാര്യ സുചിത്രയ്ക്കൊപ്പമാണ് പങ്കെടുത്തത്. അടുത്ത സുഹൃത്തുക്കളും ബന്ധുക്കളും സിനിമാ- രാഷ്ട്രീയ മേഖലകളിലെ പ്രമുഖരും വിവാഹത്തിൽ പങ്കെടുത്തു.
View this post on Instagram
രാവിലെ കണ്ണനെ നിര്മ്മാല്യം കണ്ടു തൊഴുതതിനു ശേഷമാണ് മോഹന്ലാല് വിവാഹ ചടങ്ങിനെത്തിയത്. ക്ഷേത്രത്തിലെത്തി ദർശനം നടത്തുന്ന താരത്തിന്റെ വീഡിയോ സമൂഹമാധ്യമങ്ങളിൽ വൈറലാണ്. കോൺഗ്രസ് നേതാവ് രമേശ് ചെന്നിത്തലയും ചടങ്ങിൽ പങ്കെടുത്തു. ഗണേശിനും വധു അഞ്ജനയ്ക്കും വിവാഹാശംസകൾ നൽകിയ താരം ഇവർക്കൊപ്പം നിൽക്കുന്ന ചിത്രം സമൂഹമാധ്യമങ്ങളിലൂടെ പങ്കുവച്ചിട്ടുണ്ട്.