തെന്നിന്ത്യന് താരം ഹന്സിക വിവാഹിതയാകുന്നു. ഈ വര്ഷം ഡിസംബറിലായിരിക്കും വിവാഹമെന്നാണ് റിപ്പോർട്ടുകൾ. എന്നാല് വരനെ കുറിച്ചുള്ള വിവരങ്ങളൊന്നും തന്നെ പുറത്ത് വിട്ടിട്ടില്ല. ജയ്പൂര് കൊട്ടാരത്തില് വച്ചാകും വിവാഹമെന്നാണ് സൂചന. ജയ്പൂരിലെ 450 വര്ഷം പഴക്കമുള്ള കൊട്ടാരത്തില് പ്രൗഢ ഗംഭീരമായാകും ചടങ്ങുകള് നടക്കുക. ഇതിനായുള്ള ഒരുക്കങ്ങള് നേരത്തെ തന്നെ തുടങ്ങിയെന്നാണ് വിവരം.
അതേസമയം, വിവാഹവുമായി ബന്ധപ്പെ ഔദ്യോഗിക സ്ഥിരീകരണം ഒന്നും തന്നെ ഇതുവരെ വന്നിട്ടില്ല. നടിയോ കുടുംബമോ ഇക്കാര്യത്തില് പ്രതികരിച്ചിട്ടില്ല. അല്ലു അര്ജുനിന്റെ നായികയായിട്ടാണ് ഹന്സിക സിനിമയില് എത്തിയത്. പിന്നീട് ചില ഹിന്ദി ചിത്രങ്ങളിലും അഭിനയിച്ചു. നിലവില് തമിഴ്, തെലുങ്ക് സിനിമകളില് നടി തിളങ്ങുകയാണ്. ഹൃത്വിക് റോഷന്റെ ഹിറ്റ് സിനിമ ‘കോയി മില് ഗയ’യില് ബാലതാരമായി ഹന്സിക അഭിനയിച്ചിരുന്നു.
തമിഴ് സിനിമ ‘റൗഡി ബേബി’യാണ് ഹന്സികയുടെ അടുത്ത പ്രോജക്റ്റ്. ഈ വര്ഷം ജൂലൈയില് ഹന്സികയുടെ 50ാമത്തെ ചിത്രം ‘മഹാ’ റിലീസിനെത്തിയിരുന്നു. ’50 സിനിമ പൂര്ത്തിയാക്കുക എന്നത് ഒരു നടിയെ സംബന്ധിച്ചിടത്തോളം എളുപ്പമല്ല. പ്രേക്ഷകര് നല്കിയ സ്നേഹമാണ് ഈ നാഴികക്കല്ല് പിന്നിടാന് തുണയായത്. പ്രിയപ്പെട്ട ആരാധകരില്ലെങ്കില് എന്റെ കുടുംബം അപൂര്ണമാണ്. സിനിമയാണ് എനിക്ക് എല്ലാം ‘, 50 സിനിമകള് പൂര്ത്തിയാക്കിയ സന്തോഷം പങ്കുവച്ചുകൊണ്ട് ഇങ്ങനെയാണ് ഹന്സിക സോഷ്യല് മീഡിയയില് കുറിച്ചത്.