ഇന്ത്യയിൽ വീണ്ടും കൊവിഡ് രോഗികളുടെ എന്നതിൽ വലിയ വർധനവാണ് ഉണ്ടാകുന്നത്. കഴിഞ്ഞ ദിവസങ്ങളിൽ എല്ലാം രാഷ്ട്രീയ, ചലച്ചിത്ര മേഖലയിലെ നിരവധിപേർ കോവിഡ് സ്ഥിരീകരിച്ചതായി അറിയിച്ചുരുന്നു. നടി കീര്ത്തി സുരേഷിനും കൊവിഡ് 19 സ്ഥിരീകരിച്ചിരിക്കുകയാണ്. കീര്ത്തി സുരേഷ് തന്നെയാണ് ഇക്കാര്യം അറിയിച്ചത്.
അതേസമയം നേരിയ ലക്ഷണം മാത്രമാണ് തനിക്ക് ഉള്ളതെന്നും കീര്ത്തി സുരേഷ് സാമൂഹ്യമാധ്യമത്തിലൂടെ അറിയിച്ചു. എല്ലാവിധ മുൻകരുതലുകളും സുരക്ഷാ മാനദണ്ഡങ്ങള് പാലിച്ചെങ്കിലും കൊവിഡ് 19 പിടിപെട്ടു. വൈറസ് പടരുന്നതിന്റെ തോത് ഭയപ്പെടുത്തുന്നതാണെന്നും കീര്ത്തി സുരേഷ് പറയുന്നു.
എല്ലാവരും കോവിഡ് സുരക്ഷാമാനദണ്ഡങ്ങൾ എല്ലാം പാലിക്കുകയും സുരക്ഷിതരായിരിക്കുകയും ചെയ്യുക. താനിപ്പോൾ ഐസൊലേഷനിലാണെന്ന് വ്യക്തമാക്കിയ കീർത്തി, താനുമായി അടുത്തിടപഴകിയവർ കൊവിഡ് ടെസ്റ്റ് നടത്താനും അഭ്യാര്ഥിക്കുന്നെന്നും പറയുന്നു. ഇതുവരെ വാക്സിൻ എടുക്കാത്തവര് എത്രയും പെട്ടെന്ന് സ്വീകരിക്കാനും കീര്ത്തി സുരേഷ് അഭ്യര്ഥിക്കുന്നു. ഗുരുതരമായ ലക്ഷണങ്ങൾ വരാതെ അതു നിങ്ങളെയും നിങ്ങളുടെ പ്രിയപ്പെട്ടവരെയും സംരക്ഷിക്കും. ഉടനെ രോഗം ഭേദമായി തിരിച്ചെത്താനാവുമെന്ന് പ്രതീക്ഷിക്കുന്നു,” കീർത്തി കുറിച്ചു.