ഇന്ന് ജഗത്തിന്റെ വാസ്തുശില്പിയായ വിശ്വകര്മ്മാവിൻ്റെ ജയന്തി ദിനം. ചിങ്ങത്തില് നിന്ന് കന്നിയിലേക്ക് സൂര്യന് സംക്രമിക്കുന്ന കന്യസംക്രാന്തി ദിനമാണ് ജഗത്തിന്റെ വാസ്തുശില്പിയും, പ്രപഞ്ച സൃഷ്ടാവുമായ വിശ്വകര്മ്മാവിൻ്റെ ജയന്തിയായി ആഘോഷിക്കുന്നത്. കലാകാരന്മാരുടെ ദേവനും കരകൗശല വിദഗ്ധരുടെ ഗുരനാഥനും ദേവന്മാരുടെ മരപ്പണിക്കാരനും സ്വർണ്ണപണിക്കാരനുമാണ്. ശിരസിൽ കിരീടവും ഒരു കൈയിൽ പുസ്തകവും മറ്റുകൈകളിൽ കയറും അളവുകോലും ഇതാണ് വിശ്വകര്മ്മിൻ്റെ സങ്കൽപ്പം. 5 മുഖവും 15 കണ്ണും ഉള്ള രൂപമാണ്. സദ്യോജാത മുഖം വെളുത്തതും വാമദേവമുഖം കറുത്തതും അഘോരമുഖം ചുവന്നതും ഈശാന മുഖം നീലയും തല്പ്പുരുഷമുഖം മഞ്ഞയുമാണ്. സ്വർണനിറത്തിലുള്ള ശരീരത്തിൽ 10കൈകളും കർണകുണ്ഡലങ്ങളും മഞ്ഞ വസ്ത്രം എന്നിവയും, പിന്നെ പുഷ്പമാല, സർപ പൂണൂൽ,രുദ്രാക്ഷമാല, പുലിത്തോൽ, ഉത്തരീയം, പിനാകം, ജപമാല, നാഗം, ശൂലം, താമര, വീണ, ഡമരു, ബാണം, ശംഖ്,ചക്രം എന്നിവയും വിശ്വകർമ്മാവ് അണിഞ്ഞിരിക്കുന്നു.
ഭഗവാൻ വിശ്വകര്മ്മാവ് തൻ്റെ ശരീത്തിൽ നിന്ന് ദേവി ഗായത്രിയെ സൃഷ്ടിച്ചു. ഇവരുടെ പുത്രന്മാരായാണ് പഞ്ച ഋഷി ശിൽപിളായ മനു, മയൻ, ത്വഷ്ടാവ്, ശിൽപി, വിശ്വജ്നൻ ജനിക്കുന്നത്. വേദങ്ങളിൽ വിശ്വകര്മ്മാവ് ഇന്ദ്രൻ, മിത്രനൻ, വരുണൻ, അഗ്നി, വിഷ്ണു എന്നിവരുടെ അധിപനായാണ് പറയുന്നത്. എന്നാൽ പുരാണങ്ങളിൽ ശക്ചതി കുറഞ്ഞ ദേവനായാണ് വിശ്വകര്മ്മാവിനെ കണക്കാക്കുന്നത്. കൂടാതെ ദേവന്മാരുടെ ശിൽപാണ് വിശ്വകര്മ്മാവെന്നും പുരാണങ്ങള് ചൂണ്ടിക്കാട്ടുന്നു. ബ്രഹ്മാവിൻ്റെ മകനാണ് വിശ്വകര്മ്മാവെന്ന് വിഷ്ണു പുരാണത്തിൽ പറയുന്നു.
ആരാണ് യഥാർഥത്തിൽ വിശ്വകര്മ്മാവ് ?
മനുഷ്യനും ജീവജാലങ്ങളും ഭൂമിയിൽ ഇല്ലാതിരുന്ന സമയം. ആകാശം, വായു, ഭൂമി, വെള്ളം, തേജസ്, ചിത്തം, ബ്രഹ്മാവ്, വിഷ്ണു രുദ്രൻ, സൂര്യൻ, ചന്ദ്രൻ, നക്ഷത്രങ്ങള് എന്നിവ ഒന്നും ഇല്ലാതിരുന്ന കാലഘട്ടം. ഈ സമയത്താണ് അഞ്ച് മുഖങ്ങളോട് കൂടിയ ആദിവിശ്വകര്മ്മാവ് അവതരിക്കുന്നത്. ദേവഗുരുവായ ബൃഹസ്പതിയുടെ അനന്തരവനാണ് വിശ്വകര്മ്മാവെന്നും പറയപ്പെടുന്നു. പ്രപഞ്ച സൃഷ്ടാവായ വിശ്വകർമ്മാവിനെ പൂജിക്കുകയാണെങ്കിൽ വളരെ അനുകൂല സമയം ഉണ്ടാകുമെന്നാണ് വിശ്വാസം. പ്രത്യേകിച്ച് നിർമ്മാണ പ്രവർത്തനങ്ങളിൽ ഏർപ്പെടുന്നവർ വിശ്വകർമ്മ പൂജ അനുഷ്ഠിക്കണം. പൂജയ്ക്ക് മുന്നോടിയായി വിശ്വകർമ്മാവിൻ്റെ വിഗ്രഹം/ചിത്രം ഒരുക്കി വയ്ക്കുക. ആചാര്യന്മാരോട് അഭിപ്രായം തേടി പൂജയ്ക്കുള്ള വസ്തുക്കൾ വാങ്ങുക. ഏറ്റവും വൃത്തിയോടെ പരിപാലിക്കുന്ന സ്ഥലത്ത് മാത്രമേ പൂജ ചെയ്യാവൂ. വിഗ്രഹം കഴുകി വൃത്തായാക്കി കർമ്മിയുടെ ഉപദേശ പ്രകാരം പൂജയിലേക്ക് കടക്കാം. മന്ത്രജപവും, ആരതി ഉഴിയലും വിശ്വകർമ്മ പൂജയിൽ ഉണ്ടാകും.