ആർക്കിയോളജിക്കൽ സർവേ ഓഫ് ഇന്ത്യ ഗ്യാൻവാപി മോസ്‌ക് കോംപ്ലക്‌സിനുള്ളിൽ കണ്ടെത്തിയ ‘ശിവലിംഗത്തിന്റെ ഘടന ‘ ശാസ്ത്രീയമായി സർവേ നടത്താൻ അലഹബാദ് ഹൈക്കോടതി വെള്ളിയാഴ്ച ഉത്തരവിട്ടു.വസ്തുവിന് ദോഷം വരുത്താതെ പഠനം നടത്തണമെന്നും കോടതി നിർദ്ദേശിച്ചു.ശാസ്ത്രീയ സർവേയിലൂടെ ശിവലിംഗത്തിന് എത്ര പഴക്കമുണ്ടെന്ന് വ്യക്‌തമാകുമെന്നും അത്‌ ശരിക്കും ശിവലിംഗമാണോ അതോ മറ്റെന്തെങ്കിലുമോ ആണെന്നും വ്യക്‌തമാകുമെന്നും പള്ളിയിൽ ആരാധന നടത്താനുള്ള അവകാശം ആവശ്യപ്പെട്ട്‌ ഹർജിക്കാർക്കുവേണ്ടി ഹാജരായ അഭിഭാഷകൻ വിഷ്ണു ശങ്കർ ജെയിൻ പറഞ്ഞു.
ഈ വിധിയോടെ, ശിവലിംഗത്തിന് സമാനമായ ഘടനയിൽ കാർബൺ ഡേറ്റിംഗ് നടത്തണമെന്ന ഹിന്ദു പക്ഷത്തിന്റെ ആവശ്യം നിരസിച്ച വാരണാസി ജില്ലാ ജഡ്ജിയുടെ തീരുമാനം ഹൈക്കോടതി റദ്ദാക്കി.കേസ് പരിഗണിക്കവേ, എഎസ്‌ഐ ശാസ്ത്രീയ സർവേയ്ക്ക് പോകുമെന്നും പള്ളിയിൽ നിന്ന് കണ്ടെടുത്ത ‘ശിവ്ലിംഗ’ത്തിന് എത്ര പഴക്കമുണ്ടെന്ന് ഉറപ്പാക്കേണ്ടതുണ്ടെന്നും ജസ്റ്റിസ് അരവിന്ദ് കുമാർ മിശ്രയുടെ സിംഗിൾ ബെഞ്ച് പറഞ്ഞു.
