കുനോയിൽ മറ്റൊരു ചീറ്റ കൂടി ചത്തു. ദക്ഷിണാഫ്രിക്കയിൽ നിന്ന് കൊണ്ടുവന്ന് മധ്യപ്രദേശിലെ കുനോ നാഷണൽ പാർക്കിൽ പാർപ്പിച്ച തേജസ് എന്ന ചീറ്റയാണ് ചത്തത്. തേജസിന് മുമ്പ് പാർക്കിൽ മൂന്ന് ചീറ്റകളും മൂന്ന് കുഞ്ഞുങ്ങളും മരിച്ചിരുന്നു.
ഇന്ന് രാവിലെ 11 മണിയോടെയാണ് ആൺ ചീറ്റയുടെ കഴുത്തിന് മുകൾ ഭാഗത്ത് പരിക്കേറ്റ നിലയിൽ കണ്ടെത്തിയത്. എന്നാൽ, ഉച്ചയ്ക്ക് രണ്ട് മണിയോടെ ചീറ്റ മരിക്കുകയായിരുന്നുവെന്നാണ് പ്രാഥമിക വിവരം. തേജസിന് പരിക്കേറ്റതിന്റെ കാരണം സംബന്ധിച്ച് അന്വേഷണം നടക്കുകയാണ്. പോസ്റ്റ്മോർട്ടം പരിശോധനയിലൂടെ മരണകാരണം വ്യക്തമാകുമെന്ന് അധികൃതർ അറിയിച്ചു.