പേരാമ്പ്ര: തെരഞ്ഞെടുപ്പുമായി ബന്ധപ്പെട്ട് നൊച്ചാട് ചാത്തോത്ത് താഴെ മാവട്ടയിലുണ്ടായ സംഘർഷത്തിൽ സാരമായി പരിക്കേറ്റ യുഡിഎഫ് പ്രവർത്തകരെ ആശുപത്രിയിലെത്തി കസ്റ്റഡിയിലെടുത്ത് പോലീസ്. തലയ്ക്കും വയറിനുമുൾപ്പെടെ ഗുരുതരമായി പരിക്കേറ്റവരെയാണ് ഇന്ന് രാവിലെ പോലീസ് ആശുപത്രിയിലെത്തി കസ്റ്റഡിയിലെടുത്ത് ലോക്കപ്പിലടച്ചത്.
കഴിഞ്ഞ ദിവസം രാത്രി 10 മണിയോടെയാണ് എൽഡിഎഫ്, യുഡിഎഫ് പ്രവർത്തകർ ഏറ്റുമുട്ടിയത്. സംഘര്ഷത്തില് 4 യുഡിഎഫ് പ്രവര്ത്തകര്ക്കും 2 എല്ഡിഎഫ് പ്രവര്ത്തകര്ക്കും പരുക്കേറ്റു. ഇതില് യുഡിഎഫ് പ്രവര്ത്തകരായ ലിജാസ് മാവട്ടയില്, ജാസര് തയ്യുള്ളതില്, സമീര് മാപ്പറ്റ, വികാസ് മരുതോടി എന്നിവരെയാണ് പോലീസ് കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയത്.