മലപ്പുറം: പോലീസുകാരനെ കൊല്ലുമെന്ന് ഭീഷണിപ്പെടുത്തിയ കേസിലെ പ്രതി അരിമണൽ സ്വദേശി മുതുക്കോടൻ മുതുക്കോടൻ മഷൂദിയാണ് കഞ്ചാവുമായി പിടിയിലായത്. കാളികാവ് പോലീസ് സ്‌റ്റേഷനിലെ സിവിൽ പോലീസ് ഓഫീസറുടെ വീട്ടിൽ അതിക്രമിച്ച് കയറി വധഭീഷണി മുഴക്കിയകേസിൽ ഇയാൾ ഒളിവിലായിരുന്നു. ഇതിനിടെയാണ് കഞ്ചാവുമായി പിടിയിലായത്.
കഴിഞ്ഞ ദിവസം വൈകീട്ടോടെയായിരുന്നു ഇയാളെ പോലീസ് പിടികൂടിയത്. കഞ്ചാവ് കൈമാറാൻ വേഷം മാറി വീടിന്റെ പരിസരത്ത് എത്തിയതായിരുന്നു ഇയാൾ. ഇതുമായി ബന്ധപ്പെട്ട രഹസ്യവിവരം ലഭിച്ച പോലീസ് ഇയാളെ പിന്തുടർന്ന് എത്തി പിടികൂടുകയായിരുന്നു. ഇയാളിൽ നിന്നും 940 ഗ്രാം കഞ്ചാവും പോലീസ് പിടികൂടി.
കഴിഞ്ഞ ആഴ്ചയാണ് ഇയാൾ പോലീസ് ഉദ്യോഗസ്ഥന്റെ വീട്ടിൽ അതിക്രമിച്ചു കയറി ഭീഷണി മുഴക്കിയത്. ഇതിന് പുറമേ അദ്ദേഹത്തിന്റെ കാർ തല്ലിത്തകർക്കുകയും ചെയ്തിരുന്നു. സംഭവത്തിൽ കേസ് എടുത്തതോടെ ഇയാൾ വയനാട്ടിൽ ഒളിവിൽ പോകുകയായിരുന്നു.
