അസമിലെ ധുബ്രി ജില്ലയിൽ സർക്കാർ ഭൂമി തിരിച്ചുപിടിക്കാൻ ലക്ഷ്യമിട്ട് ഭരണകൂടം നടപ്പിലാക്കിയ നിയമപരമായ കയ്യേറ്റമൊഴിപ്പിക്കൽ നടപടിയെ വർഗീയവൽക്കരിച്ച് അന്താരാഷ്ട്ര മാധ്യമമായ അൽ ജസീറ രംഗത്ത്. ആയിരക്കണക്കിന് ബംഗാളി മുസ്ലീങ്ങൾ കുടിയൊഴിപ്പിക്കപ്പെട്ടു എന്ന പേരിൽ അസം സർക്കാരിനെതിരെ വ്യാജ ഇരവാദം പ്രചരിപ്പിക്കാനാണ് ഈ മാധ്യമം ശ്രമിച്ചത്. അസമിലെ ഗൗരിപൂർ റവന്യൂ സർക്കിളിന് കീഴിലുള്ള ഔദ്യോഗിക ഭൂമി അനധികൃതമായി കയ്യേറി താമസിച്ചിരുന്നവർക്കെതിരെയാണ് സർക്കാർ കർശന നടപടി സ്വീകരിച്ചത്. നിയമവിരുദ്ധമായി പൊതുഭൂമി കൈവശം വെച്ചവർക്കെതിരെയുള്ള ഈ അടിയന്തര നടപടിയെ പ്രത്യേക ഒരു സമുദായത്തിനെതിരെയുള്ള വേട്ടയാടലായി ചിത്രീകരിച്ച് അന്താരാഷ്ട്ര തലത്തിൽ ഭാരതത്തിന്റെ പ്രതിച്ഛായ തകർക്കാനുള്ള ബോധപൂർവ്വമായ നീക്കമാണ് ഇതിലൂടെ വ്യക്തമാകുന്നത്.
അനധികൃത കയ്യേറ്റങ്ങൾ ഒഴിപ്പിക്കുന്നതിലൂടെ അസമിലെ തദ്ദേശീയരുടെ അവകാശങ്ങൾ സംരക്ഷിക്കപ്പെടുമെന്നും ഒരു വിട്ടുവീഴ്ചയ്ക്കും തയ്യാറല്ലെന്നും മുഖ്യമന്ത്രി ഹിമന്ത ബിശ്വ ശർമ്മ വ്യക്തമാക്കിയിട്ടുണ്ട്. സംസ്ഥാനത്തിന്റെ ഒരിഞ്ച് ഭൂമി പോലും അന്യാധീനപ്പെടാൻ അനുവദിക്കില്ലെന്നും കയ്യേറ്റങ്ങൾക്കെതിരെയുള്ള നടപടികൾ ശക്തമായി തുടരുമെന്നും അദ്ദേഹം സമൂഹമാധ്യമങ്ങളിലൂടെ ഉറപ്പിച്ചു പറഞ്ഞു. നിയമവാഴ്ച നടപ്പിലാക്കുന്നതിന്റെ ഭാഗമായി അസം സർക്കാർ സ്വീകരിക്കുന്ന ഇത്തരം ശക്തമായ നിലപാടുകളെ തെറ്റായ വിവരങ്ങൾ നൽകി വഴിതിരിച്ചുവിടാനാണ് പുറത്തുനിന്നുള്ള ചില മാധ്യമങ്ങളുടെയും നിക്ഷിപ്ത താല്പ്യക്കാരുടെയും ശ്രമമെന്ന് ഇതിലൂടെ പകൽപോലെ വ്യക്തമാണ്.
ദേശീയ സുരക്ഷയ്ക്കും അഖണ്ഡതയ്ക്കും പ്രാധാന്യം നൽകിക്കൊണ്ട് രാജ്യത്തിന്റെ ഭൂപ്രദേശങ്ങൾ സംരക്ഷിക്കാൻ പ്രതിജ്ഞാബദ്ധരായ ഭരണകൂടത്തിന്റെ നടപടികളെ അപഹസിക്കുന്ന ഇത്തരം അജണ്ടകളെ ദേശീയവാദികൾ ശക്തമായി ചെറുക്കേണ്ടതുണ്ട്. നിയമം ലംഘിച്ച് കയ്യേറ്റം നടത്തുന്നവർക്കെതിരെ സർക്കാർ കർശന നടപടിയുമായി മുന്നോട്ട് പോകുമ്പോൾ, അതിനെതിരെ കുപ്രചാരണങ്ങൾ അഴിച്ചുവിടുന്ന മാധ്യമങ്ങളുടെ പൊള്ളത്തരം ജനങ്ങൾ തിരിച്ചറിയണമെന്ന് രാഷ്ട്രീയ നിരീക്ഷകർ വിലയിരുത്തുന്നു.
