കൊച്ചി: സ്വന്തം തട്ടകത്തിൽ വിജയവഴി തുടർന്ന് കേരള ബ്ലാസ്റ്റേഴ്സ്.വിജയത്തോടെ ബ്ലാസ്റ്റേഴ്സ് ഐഎസ്എല്ലിൽ മൂന്നാം സ്ഥാനത്ത് കേറി. എതിരില്ലാത്ത ഒറ്റ ഗോളിനാണ് ബ്ലാസ്റ്റേഴ്സ് ഒഡീഷയെ തോൽപ്പിച്ചത്. അവസാന നിമിഷത്തിലാണ് ഗോൾ വീണത്. 86-ാം മിനിറ്റിൽ സന്ദീപ് സിംഗാണ് കേരളത്തിനായി ഗോൾ നേടിയത്.
ഇരുടീമുകളും 3 ഷോട്ടുകൾ വീതം വലയിലേയ്ക്ക് പായിച്ചെങ്കിലും ഗോൾ നേടാനായത് കേരളത്തിനാണ്. പന്തു കൈവശം വയ്ക്കുന്നതിൽ അവസാന നിമിഷങ്ങളിൽ കേരളം കാണിച്ച ആക്രമണ മുന്നേറ്റമാണ് ഗോളിൽ കലാശിച്ചത്.
ഈ ജയത്തോടെ 11 മത്സരങ്ങളിൽ നിന്ന് 7 ജയവുമായി കേരളം മൂന്നാം സ്ഥാനത്തെത്തി.