നെടുമ്പാശേരി: വിമാനത്തിനകത്ത് ഒളിപ്പിച്ച് കടത്താൻ ശ്രമിച്ച 83 ലക്ഷം രൂപയുടെ സ്വർണ്ണം കസ്റ്റംസ് പിടികൂടി. 1721 ഗ്രാം സ്വർണ്ണമാണ് പിടികൂടിയത്. രണ്ട് പാക്കറ്റുകളിലായി പേസ്റ്റ് രൂപത്തിലാക്കിയാണ് വിമാന യാത്രക്കാർക്കായി വച്ചിരുന്ന മാഗസിനുള്ളിൽ സ്വർണ്ണം ഒളിപ്പിച്ചിരുന്നത്.
അബുദാബിയിൽ നിന്നുള്ള ഇൻഡിഗോ വിമാനത്തിൽ നിന്നാണ് സ്വർണ്ണം കണ്ടെടുത്തത്. ഡി.ആർ.ഐ തിരുവനന്തപുരം മേഖല യൂനിറ്റിന് ലഭിച്ച വിവരത്തെ തുടർന്നാണ് വിമാനത്തിൽ പരിശോധന നടത്തിയത്. സ്വർണ്ണം കൊണ്ടുവന്നവരെ കുറിച്ച് കസ്റ്റംസ് അന്വേഷണം ആരംഭിച്ചിട്ടുണ്ട്.
