യുവമോർച്ച പാറശാല മണ്ഡലത്തിൽ ആസാദി കാ അമൃത് മഹോത്സവത്തിന്റെ ഭാഗമായി “മേരി മിട്ടി മേരാദേശ്‌’ എന്ന പരിപാടി സംഘടിപ്പിച്ചു. പാറശാല മണ്ഡലത്തിൽ ശ്രീനാരായണഗുരുവിന്റെ പാദസ്പർശത്താൽ പവിത്രമായ അരുവിപ്പുറം ക്ഷേത്രത്തിൽ നിന്ന് മണ്ണ്, മഠം സെക്രട്ടറി ശ്രീമദ് സാന്ദ്രനന്ദ സ്വാമികളിൽ നിന്നും യുവമോർച്ച ജില്ലാ പ്രസിഡന്റ്‌ ആർ. സജിത്ത് ഏറ്റുവാങ്ങി. വാർഡ് മെമ്പർ ശ്രീരാഗ്, യുവമോർച്ച ജില്ലാ സെക്രട്ടറി ഷിജു, യുവമോർച്ച നേതാക്കളായ വിനോദ്, പദ്മകുമാർ എന്നിവർ പങ്കെടുത്തു.
യുവമോർച്ച നെയ്യാറ്റിൻകര മണ്ഡലത്തിൽ ത്രോതായുഗത്തിൽ ശ്രീരാമചന്ദ്രന്റെ പാദസ്പർശത്താൽ പവിത്രമായ നെയ്യാർ തീരത്തു നിന്ന് മണൽ കൊണ്ട് ബിംബമുണ്ടാക്കി പ്രതിഷ്ഠ ചെയ്തു. തുടർന്ന് ആ പ്രതിഷ്ഠയിൽ പൂജ ചെയ്തു. അതേസമയം, രാമേശ്വരം ശ്രീ മഹാദേവർ ക്ഷേത്രസന്നിധിയിൽ നിന്ന് മണ്ണ്, രാമേശ്വരം വാർഡ് കൗൺസിലറും, ബി.ജെ.പി നെയ്യാറ്റിൻകര മുൻസിപ്പാലിറ്റി പാർലമെന്ററി പാർട്ടി ലീഡർ ഷിബുരാജ് കൃഷ്ണയിൽ നിന്നും യുവമോർച്ച ജില്ല മീഡിയ കൺവീനർ രാമേശ്വരം ഹരി ഏറ്റുവാങ്ങി. യുവമോർച്ച മണ്ഡലം പ്രസിഡന്റ്‌ ലാൽകൃഷ്ണ, ജില്ല കമ്മിറ്റി മെമ്പർ അനീഷ്, വിഷ്ണു എന്നിവർ ക്ഷേത്രാങ്കണത്തിൽ നടന്ന പരിപാടിയിൽ പങ്കെടുത്തു.
