തിരുവനന്തപുരം: നാളെ മുതല് സംസ്ഥാനത്ത് ബാറുകള് അടച്ചിടും. ഫെഡറേഷന് ഓഫ് കേരള ഹോട്ടല് അസോസിയേഷന്റെ യോഗത്തിലാണ് തീരുമാനം. ബെവ്കോയ്ക്കും ബാറുകള്ക്കും രണ്ടു നിരക്കില് മദ്യം വിതരണം ചെയ്യാനുള്ള തീരുമാനമാണ് പ്രതിഷേധത്തിന് കാരണം. നാളെ എക്സൈസ് മന്ത്രിയുമായ നടത്തുന്ന ചര്ച്ചയില് അനുകൂല തീരുമാനമുണ്ടായില്ലെങ്കില് അനിശ്ചിത കാലത്തേക്ക് ബാറുകള് അടച്ചിടാനാണ് ഉടമകളുടെ തീരുമാനം.
10 ശതമാനം വെയര്ഹൗസ് ചെലവും 15 ശതമാനം വില്പ്പന ലാഭവും ഉള്പ്പെടെ 25 ശതമാനം എന്ന നിരക്കിലാണ് നേരത്തെ ബിവറേജസ് കോര്പ്പറേഷന് തുക ഈടാക്കിയിരുന്നത്. ബാറുകള്, ബെവ്കോ, കണ്സ്യൂമര്ഫെഡ് ഔട്ട്ലെറ്റുകള് എന്നിവയ്ക്കെല്ലാം ഒരേ നിരക്കായിരുന്നു. ഇതില് മാറ്റം വരുത്തി ബാറുകളുടെ വകയില് അഞ്ചു ശതമാനം വര്ധന വരുത്തിയതിലാണ് പ്രതിഷേധം.
അതേസമയം പുതിയ നികുതി സംവിധാനം വന്നതോടെ ബാറുകളില് ലിറ്ററിന് ഏറ്റവും കുറഞ്ഞത് 120 രൂപയെങ്കിലും ഉപഭോക്താക്കള് അധികം നല്കേണ്ടി വരും. ബാറുകളുടെ അത്ര തുകയില്ലെങ്കിലും ഉയര്ന്ന നികുതി നിരക്കില് കണ്സ്യൂമര് ഫെഡും പ്രതിഷേധത്തിലാണ്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിൻ എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona