ദില്ലി: വീര സവര്‍ക്കര്‍ രാജ്യത്തിന്റെ അഖണ്ഡതയ്ക്കും ഐക്യത്തിനും വേണ്ടി പ്രവര്‍ത്തിച്ച വ്യക്തിയാണെന്ന് ആര്‍എസ്എസ് സർസംഘചാലക് മോഹന്‍ ഭാഗവത്.(Mohan Bhagwat) വിഭജനത്തിൻറെ വേദന ഒരിക്കലും മറക്കാനാവില്ലെന്നും, പുതിയ തലമുറ രാജ്യത്തിന്റെ ചരിത്രം അറിഞ്ഞിരിക്കണമെന്നും അദ്ദേഹം പറഞ്ഞു. ആര്‍.എസ്.എസ് ആസ്ഥാനത്ത് നടന്ന ചടങ്ങിൽ വിജയദശമി സന്ദേശത്തിലാണ് അദ്ദേഹം ഇക്കാര്യം വ്യക്തമാക്കിയത്.
ഒ.ടി.ടി പ്ലാറ്റ്ഫോമുകളുടെ ഉള്ളടക്കങ്ങൾ നിയന്ത്രിക്കപ്പെടണമെന്നും അദ്ദേഹം ആവശ്യപ്പെട്ടു. രാജ്യത്ത് ഹിന്ദു-മുസ്‌ലിം ഐക്യം വളര്‍ത്തണമെന്നും ഭിന്നതകളുടെ സംസ്‌കാരമല്ല രാജ്യത്തിനാവശ്യമെന്നും മോഹന്‍ ഭഗവത് പറഞ്ഞു. ആഘോഷങ്ങളിലൂടെ ആളുകളെ ഒന്നിപ്പിക്കാന്‍ ശ്രമിക്കണമെന്നും അദ്ദേഹം കൂട്ടിച്ചേര്‍ത്തു.
