അഞ്ച് വർഷമായി പ്രണയത്തിൽ! താൻ സ്വവർഗ്ഗാനുരാഗിയാണെന്ന് തുറന്നുപറഞ്ഞു ബിഗ് ബോസ് 5 മത്സരാർത്ഥി അഞ്ജൂസ് റോഷ്

പ്രേക്ഷകർ ഏറെ ആകാംക്ഷയോടെ കാത്തിരുന്ന ബിഗ് ബോസ് മലയാളം സീസൺ അഞ്ചാം പതിപ്പിന് തിരിതെളിഞ്ഞിട്ട് അഞ്ച് ദിനം പിന്നിടുന്നു. ഇപ്പോൾ സോഷ്യൽ മീഡിയയിലെ ചർച്ചാവിഷയം ബിഗ് ബോസിലെ മത്സരാർഥികളെപ്പറ്റിയാണ്. പതിനെട്ട് മത്സരാർഥികളാണ് ബിഗ് ബോസ് 5ലുള്ളത്. സോഷ്യൽ മീഡിയയിൽ നല്ല പിന്തുണയുള്ളവരാണ് ഈ സീസണിലെ ഭൂരിഭാഗം മത്സരാർത്ഥികളുമെന്നതാണ് എടുത്തു പറയേണ്ടത്.

പല തുറന്നു പറച്ചിലുകൾക്കും ബിഗ് ബോസ് വീട് സാക്ഷിയായിട്ടുണ്ട്. ഇപ്പോൾ താൻ സ്വവർഗ്ഗാനുരാഗിയാണെന്ന് തുറന്നു പറഞ്ഞിരിക്കുകയാണ് ബിഗ് ബോസ് അഞ്ചാം പതിപ്പിലെ മത്സരാർത്ഥിയായ അഞ്ജൂസ് റോഷ്. താൻ ഒരു ടോം ബോയ് ആയിട്ടാണ് ചെറുപ്പം മുതലേ നടക്കുന്നത്. എന്നെ പെൺകുട്ടിയായി കാണുന്നത് എനിക്ക് ഇഷ്ടമല്ല. അതുപോലെ തന്നെ ലെസ്ബിയൻ എന്ന വാക്ക് ഇഷ്ടമല്ലെന്നും അഞ്ചൂസ് പറയുന്നു. ഞാൻ ബാംഗ്ലൂരിൽ ജോലി ചെയ്ത സമയത്ത് തന്റെ റൂമിലുണ്ടായിരുന്ന പെൺകുട്ടിയുമായി പ്രണയത്തിലാവുകയായിരുന്നു. താനാണ് ആദ്യം പ്രണയം തുറന്നു പറഞ്ഞതെന്നും അഞ്ചൂസ് പറയുന്നു. ആദ്യമായി കണ്ടപ്പോൾ തന്നെ എനിക്ക് ഇഷ്ടം തോന്നിയിരുന്നുവെന്നും അത്രയും ഭംഗിയുള്ളൊരു പെണ്ണിനെ ഞാൻ ഇതുവരെ കണ്ടിട്ടുമില്ല. അങ്ങനെ പരിചയപ്പെട്ട് സുഹൃത്തുക്കളായി രണ്ട് മാസം കഴിഞ്ഞപ്പോൾ ഞാൻ തന്നെ പ്രണയം പറയുകയായിരുന്നുവെന്ന് അഞ്ചൂസ് പറയുന്നു.