മലയാളത്തിന്റെ കംപ്ലീറ്റ് ആക്ടർ മോഹന്ലാലിന് ഇന്ന് പിറന്നാളാണ്. ഈ പിറന്നാൾ ദിനത്തിൽ മോഹൻലാലിന് ആശംസയുമായി എത്തിയിരിക്കുകയാണ് മമ്മൂട്ടി. ഒരുമിച്ചുള്ള ചിത്രം പങ്കുവച്ചുകൊണ്ടാണ് മമ്മൂട്ടി പിറന്നാള് ആശംസകള് നേര്ന്നത്. ‘പ്രിയപ്പെട്ട ലാലിന് ജന്മദിനാശംസകള്’ എന്നാണ് അദ്ദേഹം കുറിച്ചത്. 62ാം പിറന്നാള് ആഘോഷിക്കുകയാണ് മോഹന്ലാല്.
അദ്ദേഹത്തിന്റെ പിറന്നാളാഘോഷ ചിത്രങ്ങളും വീഡിയോയും സോഷ്യല് മീഡിയയില് പ്രചരിക്കുന്നുണ്ട്. ഖത്തറില് നിന്ന് ഭാര്യ സുചിത്ര, സുഹൃത്തും നിര്മ്മാതാവുമായ ആന്റണി പെരുമ്പാവൂര്, മറ്റ് സുഹൃത്തുക്കള് എന്നിവര്ക്കൊപ്പം മോഹന്ലാല് കേക്ക് മുറിച്ച് പിറന്നാള് ആഘോഷിക്കുന്ന വീഡിയോ ആണ് വൈറൽ ആകുന്നത്.
അതേസമയം, ആദ്യ സംവിധാന സംരംഭമായ ബറോസിന്റെ ചിത്രീകരണവുമായി ബന്ധപ്പെട്ട തിരക്കുകളിലാണ് മലയാളികളുടെ പ്രിയപ്പെട്ട ലാലേട്ടന്. ജീത്തു ജോസഫ് സംവിധാനം ചെയ്ത 12th മാന് ആണ് അദ്ദേഹത്തിന്റെ അവസാനമായി പുറത്തിറങ്ങിയ ചിത്രം. ഒടിടി റിലീസായെത്തിയ ചിത്രം മികച്ച പ്രേക്ഷക പ്രശംസ നേടി കഴിഞ്ഞു.