തിരുവനന്തപുരം: നാര്ക്കോട്ടിക്ക് ജിഹാദ് പരാമര്ശത്തില് പാലാ ബിഷപ്പ് മാര് ജോസഫ് കല്ലറങ്ങാട്ടിന് സംരക്ഷണം ആവശ്യപ്പെട്ട് ബിജെപി രംഗത്ത്. സംഭവത്തില് ഇടപെടണമെന്ന് ആവശ്യപ്പെട്ട് ബിജെപി സംസ്ഥാന ജനറല് സെക്രട്ടറി ജോര്ജ് കുര്യൻ കേന്ദ്ര ആഭ്യന്തരമന്ത്രി അമിത് ഷായ്ക്ക് കത്തയച്ചു. ബിഷപ് ഉന്നയിച്ച വിഷയത്തില് അന്വേഷണം വേണമെന്നും കത്തില് ആവശ്യമുയര്ത്തിയിരിക്കുകയാണ് ബിജെപി
‘കേരളത്തില് ഭരണപക്ഷവും പ്രതിപക്ഷവും ഒരുമിച്ച് ബിഷപ്പിനെതിരെ നീങ്ങുകയാണ്. ഈ ധൈര്യത്തിലാണ് തീവ്രവാദസംഘടനകൾ മുന്നോട്ട് പോകുന്നത്. ഇത് കണക്കിലെടുത്താണ് ബിഷപ്പിനും ക്രൈസ്തവ വിശ്വാസികള്ക്കും സുരക്ഷ ഒരുക്കണമെന്ന് കത്തില് ആവശ്യപ്പെട്ടതെന്നും ജോര്ജ്ജ് കുര്യന് വ്യക്തമാക്കി
മാത്രമല്ല മുഖ്യമന്ത്രിയും പ്രതിപക്ഷനേതാവും നടത്തിയ പ്രസ്താവനകളാണ് തീവ്രവാദസംഘടനകള്ക്ക് ബിഷപ്പ് ഹൗസിലേക്ക് മാര്ച്ച് നടത്താന് ധൈര്യം നല്കിയത്. ഭീഷണിപ്പെടുത്തുന്ന ഭാഷയാണ് പ്രതിഷേധ ജാഥയില് ഉപയോഗിച്ചത് എന്ന് കത്തില് പറയുന്നു. കേരളത്തില് ലൗ ജിഹാദിനൊപ്പം നര്ക്കോട്ടിക് ജിഹാദും നിലനില്ക്കുന്നുണ്ടെന്നും ഇതിനായി പ്രത്യേക സംഘങ്ങള് പ്രവര്ത്തിക്കുന്നുവെന്നുമായിരുന്നു ബിഷപ്പിന്റെ വിവാദ പ്രസ്താവന.