ഹൈദരാബാദ്: പ്രധാനമന്ത്രി നരേന്ദ്രമോദിയുടെ തെലങ്കാന സന്ദർശനത്തിനു പിന്നാലെ ബി.ജെ.പിയുടെ തന്ത്രപ്രധാന യോഗം ഇന്ന് ഹൈദരാബാദിൽ. 2024ലെ ലോക്സഭ തെരഞ്ഞെടുപ്പ് മുഖ്യ അജണ്ടയായി എടുത്തുകൊണ്ടാണ് യോഗം നടക്കുക. 11 സംസ്ഥാനങ്ങളിലെ ബി.ജെ.പി അദ്ധ്യക്ഷൻമാർ പങ്കെടുക്കുന്ന യോഗത്തിൽ പ്രസിഡന്റ് ജെ.പി. നദ്ദ അദ്ധ്യക്ഷത വഹിക്കും.
തെലങ്കാന നിയമസഭ തെരഞ്ഞെടുപ്പിന് ആറുമാസമേ അവശേഷിക്കുന്നുള്ളൂ. അടുത്തിടെ കേന്ദ്ര മന്ത്രി കിഷൻ റെഡ്ഡിയെ സംസ്ഥാന അദ്ധ്യക്ഷനായി ബി.ജെ.പി നിയമിച്ചിരുന്നു. അതിനിടെ പാർലമെന്റിന്റെ വർഷകാല സമ്മേളനം തുടങ്ങുന്നതിന് മുമ്പായി കേന്ദ്രമന്ത്രിസഭയിൽ അഴിച്ചുപണിയുണ്ടാകുമെന്നും റിപ്പോർട്ടുണ്ട്.
