ദില്ലി: കശ്മീരിന് പ്രത്യേക പദവി നൽകുന്ന ആർട്ടിക്കിൾ-370 റദ്ദാക്കിയതിന് ശേഷം റെക്കോർഡ് അംഗങ്ങളുമായി ബി.ജെ.പി. കശ്മീർ സംഭവ വികാസങ്ങൾക്ക് ശേഷം മുൻ വർഷത്തിനേക്കാൾ ഇരട്ടി ആളുകൾ പാർട്ടിയുടെ ഭാഗമായെന്നാണ് കണക്കുകൾ.ജൂലായ് ആറ് മുതൽ ഓഗസ്റ്റ് 20 വരെ നടന്ന അംഗത്വ വിതരണ ഡ്രൈവിൽ 3.8 കോടി പുതിയ അംഗങ്ങൾ ബി.ജെ.പിയിൽ ചേർന്നു.
ഉത്തർപ്രദേശിൽ 1.8 കോടി ആളുകൾ ബി.ജെ.പിയിൽ ചേർന്നു. ഏറ്റവും കൂടുതൽ ആളുകൾ അംഗത്വമെടുത്തത് ഉത്തർപ്രദേശിലാണ്. ഏതാനും മാസങ്ങൾക്കുളളിൽ നിയമസഭ തിരഞ്ഞെടുപ്പ് നടക്കാനിരിക്കുന്ന ദില്ലിയിൽ 15 ലക്ഷം പുതിയ അംഗങ്ങൾ ബി.ജെ.പിയിൽ ചേർന്നു. ആറ് വർഷത്തിലൊരിക്കലാണ് പാർട്ടി അംഗത്വ ഡ്രൈവ് സംഘടിപ്പിക്കുന്നത്. 20 ശതമാനം അംഗങ്ങളെ വർധിപ്പിക്കുകയാണ് ലക്ഷ്യം. ജമ്മുകശ്മിരീൽ 3.5 ലക്ഷം പേർ പാർട്ടിയുടെ ഭാഗമായത് മികച്ച വിജയമായി ബി.ജെ.പി കണക്കാക്കുന്നു.
ഹരിയാനയിൽ 7,14,784 , ഹിമാചൽ പ്രദേശിൽ 4,62,804, പഞ്ചാബിൽ 5,5,422, ഉത്തരാഖണ്ഡിൽ 10 ലക്ഷം, ഗുജറാത്തിൽ 33.73 ലക്ഷം, കർണാടകയിൽ 16.90 ലക്ഷം, മഹാരാഷ്ട്രയിൽ 19.97 ലക്ഷം , മധ്യപ്രദേശിൽ 24.53 ലക്ഷം പേർ എന്നിങ്ങനെയാണ് ബി.ജെ.പിയിൽ ചേർന്നവരുടെ കണക്കുകൾ.
