കശ്മീർ : ഉധംപൂർ ജില്ലയിലെ പഴയ ബസ് സ്റ്റാൻഡിൽ പാർക്ക് ചെയ്തിരുന്ന ബസിൽ വ്യാഴാഴ്ച്ച പുലർച്ചെയാണ് സ്ഫോടനം നടന്നത്. കഴിഞ്ഞ 8 മണിക്കൂറിനുള്ളിൽ ഇത് രണ്ടാമത്തെ സ്ഫോടനമാണ്.
എന്നാൽ, സംഭവത്തിൽ ആളപായം റിപ്പോർട്ട് ചെയ്തിട്ടില്ല. ജമ്മു കശ്മീർ പോലീസും മറ്റ് സുരക്ഷാ സേനകളും സ്ഥലത്തുണ്ട്.
ബുധനാഴ്ച്ച രാത്രി 10:45 ഓടെ, ഡൊമെയിൽ ചൗക്കിൽ ഒരു ബസിൽ സമാനമായ മറ്റൊരു സ്ഫോടനം ഉണ്ടായി, അതിൽ രണ്ട് പേർക്ക് പരിക്കേറ്റു.
ഇന്നലെ രാത്രി സ്ഫോടനം നടന്ന സ്ഥലത്തുനിന്ന് 4 കിലോമീറ്റർ അകലെയാണ് രണ്ടാമത്തെ സ്ഫോടനം നടന്നത്.