ഗെയിമിങ്ങിൽ അസാധാരണമായ വൈഭവവും 25 വയസ്സിന് താഴെയുള്ളവരാണോ നിങ്ങൾ, എങ്കിൽ ഐക്യുവിന്റെ ചീഫ് ഗെയിമിങ് ഓഫീസറായി ജോലിയിൽ പ്രവേശിക്കാൻ നിങ്ങൾക്ക് അവസരം. ആറ് മാസത്തെ ശമ്പളമായി 10 ലക്ഷം രൂപയാണ് ലഭിക്കുക. ഒപ്പം മൊബൈൽ ഗെയിമിങ്, എസ്‌പോർട്‌സ് അനുഭവങ്ങൾ സൃഷ്ടിക്കുന്നതിന് ഐക്യുമായി സഹകരിക്കുകയും ചെയ്യാം. യോഗ്യരായ വ്യക്തികൾക്ക് ഐക്യുവിന്റെ ഔദ്യോഗിക വെബ്‌സൈറ്റ് വഴിയോ അവരുടെ ഇൻസ്റ്റാഗ്രാം ഹാൻഡിൽ വഴിയോ അപേക്ഷകൾ സമർപ്പിക്കാവുന്നതാണ്. ജോലിക്കായുള്ള രജിസ്ട്രേഷൻ പ്രക്രിയ 2023 മെയ് 30ന് ആരംഭിച്ചു, 2023 ജൂൺ 11 വരെ അപേക്ഷിക്കാനാകും.
വിപണിയിലേക്കെത്താനിരിക്കുന്ന പുതുതലമുറ ഫോണുകളിലെ ഗെയിമുകൾ കളിക്കുക അതിന്റെ അനുഭവങ്ങള്‍ പങ്കിടുക,ഗെയിമിങ് ലോകത്തെ ഐക്യു ഫോണുകളുടെ സാധ്യതകൾ മെച്ചപ്പെടുത്തുക തുടങ്ങിയവയാണ് ചീഫ് ഗെയിമിങ് ഓഫീസറുടെ ജോലി. ഒരു സ്ഥിര ജോലി അല്ലെന്നതിനാൽ മറ്റ് ജോലി ചെയ്യുന്നവർക്കും ഈ പോസ്റ്റിലേക്ക് അപേക്ഷിക്കാനാകും. ഗെയിമിങ് താൽപര്യം, പ്രായം, ഇന്ത്യക്കാരനായിരിക്കണം എന്നിവ മാത്രമാണ് യോഗ്യതകൾ
