ദില്ലി: സി.ബി.എസ്.ഇ പ്ലസ്ടു ഫലം ഇന്ന് പ്രസിദ്ധീകരിക്കും. ഉച്ചക്ക് രണ്ട് മണിയോയൊണ് ഔദ്യോഗികമായി ഫലം പ്രസിദ്ധീകരിക്കുന്നത്. cbse.nic.in അല്ലെങ്കില് cbse.gov.in എന്നീ സൈറ്റുകളിലുടെ ഫലമറിയാം.ഫലപ്രഖ്യാപനത്തിന് മുന്നോടിയായി വിദ്യാര്ഥികള്ക്ക് റോള് നമ്പർ അറിയുന്നതിന് സംവിധാനം സി.ബി.എസ്.ഇ ഒരുക്കിയിട്ടുണ്ട്. സി.ബി.എസ്.ഇ. റോള് നമ്പർ അറിഞ്ഞാല് മാത്രമേ വിദ്യാര്ഥികള്ക്ക് ഫലം അറിയാന് സാധിക്കൂ. cbse.nic.in അല്ലെങ്കില് cbse.gov.in. ഈ വെബ്സൈറ്റിലെ ലിങ്കിലൂടെ പ്രവേശിച്ച് വ്യക്തിവിവരങ്ങള് നല്കിയാല് റോള് നമ്പർ ലഭ്യമാകും.
ഇത്തവണ പരീക്ഷയില്ലാതെ പ്രത്യേക മൂല്യനിർണ്ണയം വഴിയാണ് ഫലപ്രഖ്യാപനം നടത്തുന്നത്. അതേസമയം സി.ബി.എസ്.ഇ 10ാം ക്ലാസ് പരീക്ഷഫലം ഉടന് പുറത്തുവിടുമെന്നാണ് വിവരം. സി.ബി.എസ്.ഇ പരീക്ഷകള് റദ്ദാക്കിയതിനാല് ഇന്റേണൽ മാര്ക്കിന്റെയും ക്ലാസ് ടെസ്റ്റുകളുടെയും അടിസ്ഥാനത്തിലായിരിക്കും പരീക്ഷഫലം കണക്കാക്കുക.
സി.ബി.എസ്.ഇ റോള് നമ്പർ കണ്ടെത്തേണ്ടതിങ്ങനെ:
- സി.ബി.എസ്.ഇയുടെ ഔദ്യോഗിക വെബ്സൈറ്റില് പ്രവേശിക്കുക
- പേജിന്റെ താഴെയായി കാണുന്ന ‘റോള് നമ്പർ ഫൈന്ഡര്’ എന്ന ലിങ്കില് ക്ലിക്ക് ചെയ്യുക
- പുതിയ പേജിലേക്ക് റീഡയറക്ട് ചെയ്യും. അവിടെ ‘Continue’ ഓപ്ഷന് നല്കണം
- സി.ബി.എസ്.ഇ 10 അല്ലെങ്കില് 12 ക്ലാസ് തിരഞ്ഞെടുക്കുക
- പേര്, പിതാവിന്റെ പേര്, സ്കൂള് കോഡ് അല്ലെങ്കില് ജനനതീയതി, മാതാവിന്റെ പേര് എന്നിവ നല്കുക
- സെര്ച്ച് ബട്ടണില് അമര്ത്തിയാല് റോള് നമ്പർ ലഭ്യമാകും
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona