കോഴിക്കോട്: സംസ്ഥാനത്ത് 15നും 18നും ഇടയ്ക്ക് പ്രായമുള്ള 51 ശതമാനം കുട്ടികള്ക്ക് കൊവിഡ് വാക്സിന് നല്കി. ആകെ 7,66,741 കുട്ടികള്ക്കാണ് വാക്സിന് നല്കിയത്. തൃശൂര് ജില്ലയാണ് ഏറ്റവും കൂടുതല് കുട്ടികള്ക്ക് വാക്സിന് നല്കിയത്. സംസ്ഥാനത്ത് ജനുവരി മുതലാണ് കുട്ടികളുടെ വാക്സിനേഷന് ആരംഭിച്ചത്.
തിരുവനന്തപുരം 70,021, കൊല്ലം 60,597, പത്തനംതിട്ട 29,584, ആലപ്പുഴ 57,764, കോട്ടയം 47,835, ഇടുക്കി 28,571, എറണാകുളം 56,943, തൃശൂര് 97,458, പാലക്കാട് 76,145, മലപ്പുറം 70,144, കോഴിക്കോട് 45,789, കണ്ണൂര് 73,803, വയനാട് 24,415, കാസര്ഗോഡ് 27,642 എന്നിങ്ങനെയാണ് കുട്ടികള്ക്ക് വാക്സിന് നല്കിയത്. 12 ദിവസം കൊണ്ടാണ് പകുതിയിലധികം കുട്ടികള്ക്ക് വാക്സിന് നല്കാന് സാധിച്ചതെന്ന് ആരോഗ്യമന്ത്രി വീണാ ജോര്ജ് അറിയിച്ചു.