തൃശൂരിൽ അന്യസംസ്ഥാന തൊഴിലാളികൾ തമ്മിലുണ്ടായ സംഘർഷത്തിൽ ഒരാൾക്ക് വെട്ടേറ്റു. തമിഴ്നാട് സ്വദേശി കാളിമുത്തുവിനാണ് വെട്ടേറ്റത്. തൃശൂർ പോസ്റ്റ് ഓഫീസ് റോഡിലെ വോൾഗ ബാറിന് മുന്നിലാണ് സംഭവം.
കാളിമുത്തുവിനെ വെട്ടിയ പ്രതി കർണാടക സ്വദേശി കാസിം ബേഗയെ പൊലീസ് പിടികൂടി. കാളിമുത്തുവിനെ വെട്ടിയ ശേഷം ഓടി രക്ഷപെടാൻ ശ്രമിച്ച കാസിം ബേഗയെ കോർപ്പറേഷൻ പരിസരത്ത് നിന്നാണ് പിടികൂടിയത്. ബാറിന് മുന്നിലെ കടയിൽ നിന്നും കത്തിയെടുത്താണ് കാസിം ബേഗ കാളിമുത്തുവിനെ വെട്ടിയത്. അതേസമയം, ആക്രമണത്തിന് പിന്നിലെ കാരണം ഇതുവരെയും വ്യക്തമായിട്ടില്ല.