തിരുവനന്തപുരം: ആരോഗ്യ വിദ്യാഭ്യാസ വകുപ്പ് അഡീഷണല് ചീഫ് സെക്രട്ടറിയുമായി ചര്ച്ചയ്ക്കെത്തിയ പിജി ഡോക്ടര്മാരെ അപമാനിച്ചതായി പരാതി. സമരവുമായി ബന്ധപ്പെട്ട് അഡീഷണല് ചീഫ് സെക്രട്ടറി ആശ തോമസുമായി ചര്ച്ചക്കെത്തിയപ്പോഴാണ് ജീവനക്കാരന് അപമര്യാദയോടെ പെരുമാറിയതെന്നും തന്റെ സ്ത്രീത്വത്തെ അപമാനിക്കും വിധമാണ് ജാവനക്കാരന് പെരുമാറിയതെന്നും ഡോ. അജിത്ര പറഞ്ഞു.
അഡീഷണല് ചീഫ് സെക്രട്ടറിയെ കാത്തിരിക്കുമ്പോള് ഐഡി കാര്ഡ് ധരിച്ച ഒരാള് വന്ന് കാല് താഴ്ത്തിയിട്ട് ഇരിക്കാന് പറഞ്ഞെന്നും ഇത് ചോദ്യം ചെയ്തപ്പോള് ‘എങ്കില് തുണിയുടുക്കാതെ നടന്നോ’ എന്ന് പറയുകയും ചെയ്തെന്നാണ് പരാതി. തന്നെ അപമാനിക്കും വിധം പരാമര്ശം നടത്തിയ ജീവനക്കാരന്റെ പേരറിയാതെ സെക്രട്ടറിയേറ്റില് നിന്നും പോകില്ലെന്ന് വ്യക്തമാക്കിയ ഡോക്ടര് സെക്രട്ടറിയേറ്റില് ഇരുന്ന് പ്രതിഷേധിക്കുകയും ചെയ്തു. തന്നോട് മോശമായ രീതിയില് പെരുമാറിയ ആളെ കുറിച്ച് പൊലീസുകാരോട് ചോദിച്ചപ്പോള് അവര് വ്യക്തമായ മറുപടി നല്കിയില്ലന്നും ആളെക്കണ്ടാല് തനിക്ക് തിരിച്ചറിയാന് കഴിയുമെന്നും അജിത്ര വ്യക്തമാക്കി