ദില്ലി: രാജ്യത്ത് കഴിഞ്ഞ 24 മണിക്കൂറിനിടെ 5326 പുതിയ കോവിഡ് (Covid) കേസുകൾ കൂടി റിപ്പോർട്ട് ചെയ്തു. നിലവില്‍ 79,097 സജീവ കേസുകളാണ് രാജ്യത്തുള്ളത്. 453 മരണവും റിപ്പോർട്ട് ചെയ്തു. നിലവിൽ 79,097 പേരാണ് ചികിത്സയിലുള്ളത്. ഇതുവരെ 4,78,007 പേരാണ് കോവിഡ് ബാധിച്ച് മരിച്ചത്.
സജീവ രോഗികളുടെ എണ്ണം 79,097 ആയി.574 ദിവസത്തിനിടെയുള്ള കുറഞ്ഞ കണക്കാണിത് . ആകെ രോഗമുക്തി നിരക്ക് 98.40 ശതമാനമായി ഉയർന്നു . 2,230 പ്രതിദിന രോഗികളുമായി കേരളം തന്നെയാണ് മുന്നിൽ . പ്രതിദിന ടെസ്റ്റ് പോസിറ്റിവിറ്റി നിരക്ക് 0.53 ശതമാനവും പ്രതിവാര ടെസ്റ്റ് പോസിറ്റിവിറ്റി നിരക്ക് 0.59 ശതമാനവുമാണ് .
അതേസമയം രാജ്യത്ത് 200 ഒമിക്രോണ്‍ കേസുകള്‍ റിപ്പോര്‍ട്ട് ചെയ്തതായി ആരോഗ്യമന്ത്രാലയം. മഹാരാഷ്ട്രയിലും ദില്ലിയിലും 54 വീതം ഒമിക്രോണ്‍ കേസുകള്‍ റിപ്പോർട്ട് ചെയ്തു. തെലങ്കാനയില്‍ 20, കര്‍ണാടകയില്‍ 19, രാജസ്ഥാന്‍ 18, കേരള 15, ഗുജറാത്ത് 14 എന്നിങ്ങനെയാണ് റിപ്പോര്‍ട്ട് ചെയ്ത കേസുകളുടെ എണ്ണം. കോവിഡ് മാര്‍ഗനിര്‍ദേശങ്ങള്‍ കര്‍ശനമായി പാലിക്കണമെന്ന് കേന്ദ്രം സംസ്ഥാനങ്ങള്‍ക്ക് നിര്‍ദേശം നല്‍കി.
