ദില്ലി: പ്രമുഖ ഹിന്ദി മാധ്യമ ഗ്രൂപ്പ് ആയ ദൈനിക് ഭാസ്‌കറിന്റെ ഓഫിസുകളില്‍ ആദായ നികുതി റെയ്ഡ്.നികുതി വെട്ടിപ്പിനെ തുടർന്നാണ് റെയ്ഡ്. മധ്യപ്രദേശ്, മഹാരാഷ്ട്ര, ദില്ലി, രാജസ്ഥാന്‍, ഗുജറാത്ത് എന്നിവിടങ്ങളിലെ നഗരങ്ങളിലാണു റെയ്ഡ് നടക്കുന്നത്. ഉത്തര്‍ പ്രദേശ് ആസ്ഥാനമായി പ്രവര്‍ത്തിക്കുന്ന ഭാരത് സമാചാര്‍ വാര്‍ത്താ ചാനലിലും റെയ്ഡ് നടന്നു.
ഓഫീസുകള്‍ക്ക് പുറമെ സ്ഥാപനങ്ങളുടെ മേധാവികളുടെ വീട്ടിലും റെയ്ഡ് നടന്നു. റെയ്ഡ് നടത്തിയതായി ആദായനികുതി വകുപ്പോ പ്രത്യക്ഷ നികുതി ബോര്‍ഡോ സ്ഥിരീകരിച്ചിട്ടില്ല. എന്നാല്‍ റെയ്ഡ് നടത്തിയതായി അനൗദ്യോഗിക വൃത്തങ്ങള്‍ വ്യക്തമാക്കി. അതേസമയം റെയ്ഡ് നടന്നതായി മധ്യപ്രദേശ് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ ദിഗ് വിജയ് സിങ് ട്വീറ്റ് ചെയ്തു. കോവിഡ് കാലത്തു ദൈനിക് ഭാസ്കർ നിരവധി വ്യാജ വാർത്തകൾ നൽകിയതായി പരാതി വന്നിരുന്നു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
