തിരുവനന്തപുരം: പ്രധാനമന്ത്രി കൃഷിസിഞ്ചായിയോജന പദ്ധതിയിലൂടെ സൂക്ഷ്മ ജലസേചന സംവിധാനങ്ങള് കൃഷിയിടങ്ങളില് സബ്സിഡിയോടു കൂടി സ്ഥാപിക്കുന്നതിന് അപേക്ഷകള് ക്ഷണിച്ച് കൃഷിവകുപ്പ്.
ഡ്രിപ്പ്, സ്പ്രിംഗ്ളര് എന്നീ ആധുനിക ജലസേചന രീതികളുടെ ഗുണഭോക്താക്കളാകുവാന് ഈ പദ്ധതിയിലൂടെ കര്ഷകര്ക്ക് അവസരം ലഭിക്കുന്നു. ചെറുകിട നാമമാത്ര കര്ഷര്ക്ക് പദ്ധതി ചെലവിന്റെ അനുവദനീയതുകയുടെ 80 ശതമാനവുംമറ്റുളളകര്ഷകര്ക്ക് 70 ശതമാനവും പദ്ധതി നിബന്ധനകളോടെ ധനസഹായമായി ലഭിക്കുന്നു.
കൂടുതല് വിവരങ്ങള്ക്ക് ജില്ലകളിലെ കൃഷി അസിസ്റ്റന്റ് എക്സിക്യുട്ടീവ് എഞ്ചിനീയറുടെ കാര്യാലയവുമായോ അടുത്തുളള കൃഷിഭവനുമായോ ബന്ധപ്പെടുക.