ഇന്ത്യയിലൊട്ടാകെ ചലനം സൃഷ്ടിച്ച ‘ദ കേരള സ്റ്റോറി’ക്ക് പിന്നാലെ മാവോയിസം പ്രമേയമാക്കി പുതിയ സിനിമ ചെയ്യാനൊരുങ്ങി ബംഗാളി സംവിധായകന്‍ സുദീപ്‌തോ സെന്‍. അമ്പത് വര്‍ഷത്തെ മാവോയിസ്റ്റ് ചരിത്രത്തിന്റെ പശ്ചാത്തലത്തിലാണ് സിനിമ ഒരുക്കുക. കേരള സ്റ്റോറിയുടെ നിര്‍മ്മാതാവ് വിപുൽ അമൃത്‌ലാൽ ഷാ തന്നെയാകും ഈ ചിത്രത്തിലും സഹകരിക്കുക. കേരള സ്‌റ്റോറിക്കെതിരെ പ്രതിഷേധങ്ങളും വിലക്കുകളും ഉയര്‍ന്നിരുന്നുവെങ്കിലും 287 കോടിക്ക് മുകളില്‍ കളക്ഷന്‍ ബോക്‌സോഫീസില്‍ നിന്നും നേടിയിരുന്നു.
”കേരള സ്റ്റോറി ഒരുപാട് സംതൃപ്തി നല്‍കിയ സിനിമയാണ്. എന്റെ അടുത്ത സിനിമ ഇന്ത്യയുടെ അമ്പത് വര്‍ഷത്തെ മാവോയിസ്റ്റ് ചരിത്രത്തെ അടിസ്ഥാനമാക്കിയാണ്. കേരള സ്റ്റോറിയുടെ നിര്‍മ്മാതാവ് വിപുല്‍ ഷാ തന്നെയാകും ഈ ചിത്രത്തിന്റെയും നിര്‍മ്മാതാവ്. വിപുല്‍ ജീക്കൊപ്പം എന്റെ അടുത്ത പ്രോജക്ട് ഞാന്‍ കമ്മിറ്റ് ചെയ്തു.” – സുദീപ്‌തോ സെന്‍ പറഞ്ഞു.
