കോട്ടയം: കോട്ടയത്ത് പ്ലസ്ടു വിദ്യാർത്ഥിനികൾ തമ്മിലെ തർക്കം അവസാനിച്ചത് (Murder) കത്തിക്കുത്തിൽ. വിദ്യാര്ത്ഥിനികള് തമ്മിലുള്ള തര്ക്കത്തിന് പരിഹാരം കാണാന് കുട്ടികളിലൊരാള് ആണ്സുഹൃത്തിനെയും അയാളുടെ സുഹൃത്തുക്കളെയും വിളിച്ചുവരുത്തിയതോടെയാണ് തര്ക്കം അക്രമത്തിലേക്ക് നീണ്ടത്. കടുത്തുരുത്തിയിലാണ് സംഭവം നടന്നത്.
സഹപാഠിയുടെ വീട് ആണ്സുഹൃത്തിനെ ഉപയോഗിച്ച് ആക്രമിക്കാനുള്ള ശ്രമമാണ് അക്രമത്തില് കലാശിച്ചത്. ഇന്നലെ രാത്രിയാണ് സംഭവം നടന്നത്. മങ്ങാട് സ്വദേശിനിയും ഞീഴൂര് തിരുവാമ്പാടി സ്വദേശിനിയും തമ്മിലാണ് തര്ക്കമുണ്ടായത്. ഇതിനുപിന്നാലെ തിരുവാമ്പാടി സ്വദേശിനി കുറിച്ചി സ്വദേശികളായ ആണ് സുഹൃത്തുക്കളെ വിളിച്ചുവരുത്തി ഇവര്ക്കൊപ്പം തര്ക്കമുണ്ടായ വിദ്യാര്ത്ഥിനിയുടെ അടുത്ത് എത്തുകയായിരുന്നു. വീട്ടില് തര്ക്കമുണ്ടായതോടെ ഇടപെടാനെത്തിയ അയല്വാസിക്കാണ് കുത്തേറ്റത്.
വീട് ആക്രമിക്കാനുള്ള ശ്രമം തടയാന് ശ്രമിച്ചതാണ് അക്രമത്തില് കലാശിച്ചത്. മങ്ങാട് സ്വദേശിയായ പരിഷിത്ത് ഭവനില് അശോകനാണ് കുത്തേറ്റത്. അശോകന് കോട്ടയം മെഡിക്കല് കോളേജില് ചികിത്സയിലാണുള്ളത്. വീട് ആക്രമിച്ച സംഘത്തിലെ രണ്ടുപേരെയും പെണ്കുട്ടിയേയും പിടികൂടിയതായി പൊലീസ് വ്യക്തമാക്കി. ഇവരില് ഒരാള്ക്കും പരുക്കുണ്ട്. ഇവര് വന്ന വാഹനം പൊലീസ് പിടിച്ചെടുത്തിട്ടുണ്ട്.
