വിൽനിയസ്: കടുത്ത വയറുവേദനയെ തുടർന്ന് ആശുപത്രിയിൽ പ്രവേശിപ്പിച്ച യുവാവിൽ നിന്ന് ഡോക്ടർമാർ നീക്കം ചെയ്തത് ഒരു കിലോയിലധികം വരുന്ന സ്ക്രൂവും ആണിയും. വയറുവേദനയെ തുടര്ന്ന് രോഗിയെ ആശുപത്രിയില് പ്രവേശിപ്പിച്ചതിനെ തുടര്ന്ന് നടത്തിയ വിദഗ്ധ പരിശോധനയിലാണ് ഡോക്ടർമാരെ ഞെട്ടിക്കുന്ന സംഭവം കണ്ടെത്തിയത്.
എക്സ്റേയില് രോഗിയുടെ വയറില് നിരവധി ലോഹങ്ങള് കിടക്കുന്നതായി കണ്ടെത്തിയിരുന്നു. ചിലതിന്റെ നീളം പത്തുസെന്റീമീറ്ററോളം വരും. തുടര്ന്ന് നടത്തിയ സ്കാനിങ്ങില് യുവാവിന്റെ വയറ്റില് ഒരു കിലോയിലധികം സ്ക്രൂവും ആണിയുമാണെന്ന് കണ്ടെത്തുകയായിരുന്നു. കഴിഞ്ഞ ഒരു മാസത്തിനിടെയാണ് ഇയാള് ഇവ വിഴുങ്ങിയതെന്നും ഡോക്ടര്മാരോട് പറഞ്ഞു. മൂന്നുമണിക്കൂര് നീണ്ട ശസ്ത്രക്രിയയിലൂടെയാണ് ഡോക്ടര്മാര് ആണിയും സ്ക്രൂവും പുറത്തെടുത്തതെന്ന് മധ്യമങ്ങൾ റിപ്പോർട്ട് ചെയ്യുന്നു. രോഗിയുടെ പേരോ മറ്റു വിവരങ്ങളോ വെളിപ്പെടുത്തിയിട്ടില്ല. ബാൾട്ടിക് നഗരമായ ക്ലൈപെഡയിലെ ആശുപത്രിയിലായിരുന്നു ശസ്ത്രക്രിയ.