പത്ര മാധ്യമങ്ങളിലൂടെയുള്ള മികച്ച ശാസ്ത്രപ്രചാരണത്തിന് ഭാരത സർക്കാർ ഏർപ്പെടുത്തിയ ദേശീയ പുരസ്കാരത്തിന് മാധ്യമപ്രവർത്തകനും, എഴുത്തുകാരനും,അധ്യാപകനുമായ ഡോ.അനിൽ കുമാർ വടവാതൂർ തിരഞ്ഞെടുക്കപ്പെട്ടു .രണ്ടു ലക്ഷം രൂപയും ശില്പവും പ്രശംസാ പത്രവുമടങ്ങുന്നതാണ് പുരസ്കാരം.
ദേശീയ ശാസ്ത്ര ദിനമായ ഫെബ്രുവരി 28നു അവാർഡ് സമ്മാനിക്കും.ദേശീയ മാധ്യമ പഠന ഗവേഷണ സ്ഥാപനമായ കോട്ടയത്തെ ഇന്ത്യൻ ഇൻസ്റ്റിറ്റ്യൂട്ട് ഓഫ് മാസ്സ് കമ്മ്യൂണിക്കേഷൻ റീജിയണൽ ഡയറക്ടർ ആണ് ഡോ.അനിൽകുമാർ.നിരവധി പുസ്തകങ്ങളും ഗവേഷണ പ്രബന്ധങ്ങളും എഴുതിയിട്ടുണ്ട്.
മികച്ച ശാസ്ത്ര റിപ്പോർട്ടിങ്ങിനുള്ള സംസ്ഥാന സർക്കാരിന്റെ ഈ വർഷത്തെ പുരസ്കാരവും അനിൽകുമാറിന് ലഭിച്ചിരുന്നു.