ബംഗളൂരു: തിരുവനന്തപുരത്ത് 20 കോടിയുടെ ഹാഷിഷ് ഓയിലുമായി പിടിയിലായ പ്രതി കസ്റ്റഡിയില് നിന്ന് രക്ഷപ്പെട്ടു. കോട്ടയം സ്വദേശി ജോര്ജ്ജ് കുട്ടിയാണ് എക്സൈസുകാരെ കബളിപ്പിച്ച് കസ്റ്റഡിയില്നിന്ന് രക്ഷപ്പെട്ടത്. ബംഗളൂരുവില് തെളിവെടുനടത്തുന്നതിനിടെയാണ് നിരവധി കേസുകളില് പ്രതിയായ ഇയാള് രക്ഷപ്പെട്ടത്.
നേരത്തെ തിരുവനന്തപുരത്ത് വച്ച് 20 കിലോ ഹാഷിഷ് ഓയില്, രണ്ടര കിലോ കഞ്ചാവ്, 250 ഗ്രാം ചരസ് എന്നിവയാണ് ജോര്ജ്കുട്ടിയില് നിന്നും എക്സൈസ് സംഘം പിടിച്ചെടുത്തത്. കാറിന്റെ ഡിക്കിയുടെ താഴെ സ്ഥാപിച്ച രഹസ്യ അറയിലാണ് മയക്കു മരുന്ന് ഒളിപ്പിച്ചിരുന്നത്.