തിരുവനന്തപുരം: സംസ്ഥാനത്ത് കൊറോണ ഭീതി നിലനില്‍ക്കുന്ന സാഹചര്യത്തിൽ കെഎസ്‌ആര്‍ടിസിയുടെ എസി ബസ് സര്‍വീസുകള്‍ നിര്‍ത്തിവയ്ക്കണമെന്ന ആവശ്യം ശക്തമാകുന്നു .എസി ബസുകളില്‍ കൊവിഡ് 19 വൈറസ് ബാധ എളുപ്പത്തില്‍ പടരാനുള്ള സാധ്യത ചൂണ്ടിക്കാണിച്ചാണ് ആവശ്യം.കെ എസ് ആർ ടി സി ജീവനക്കാരാണ് ആവശ്യവുമായി രംഗത്തു വന്നിരിക്കുന്നത് .
അതെസമയം കൊറോണ ഭീതി കാരണം കെഎസ്‌ആര്‍ടിസിയുടെ വരുമാനത്തില്‍ പ്രതിദിനം ഒരു കോടി രൂപയോളം കുറവുണ്ടായി. ജാഗ്രത നിർദേശത്തിന്റെ ഭാഗമായി യാത്രക്കാർ കുറവായതാണ് കെ എസ് ആർ ടി സി വരുമാനം കുറയാൻ കാരണം . ദീര്‍ഘദൂര യാത്രക്കാരുടെ എണ്ണവും വലിയ തോതില്‍ കുറഞ്ഞു.
അതിനിടെ സംസ്ഥാനത്ത് കൊറോണ ബാധിതരുടെ എണ്ണം 16 ആയി. ഇന്നലെ തൃശ്ശൂരിലും കണ്ണൂരിലുമാണ് പുതുതായി കൊവിഡ് 19 വൈറസ് ബാധ സ്ഥിരീകരിച്ചത്.
