കാബൂൾ: അഫ്ഗാനിസ്താൻ തലസ്ഥാനമായ കാബൂളിൽ പള്ളിയിലുണ്ടായ സ്ഫോടനത്തിൽ നിരവധി പേർ മരിച്ചതായി റിപ്പോർട്ട്. കാബൂളിലെ ഈദ്ഗാഹ് പള്ളിയിലാണ് ഇന്ന് ഉച്ച കഴിഞ്ഞ് സ്ഫോടനമുണ്ടായത്. താലിബാൻ വക്താവ് സബീഹുല്ല മുജാഹിദിന്‍റെ മാതാവിന്‍റെ മയ്യത്ത് നമസ്കാരത്തിനിടെയാണ് സ്ഫോടനമുണ്ടായതെന്നാണ് ലഭിക്കുന്ന വിവരം. നിരവധി പേർക്ക് പരിക്കേറ്റിട്ടുണ്ട്. കൂടുതൽ വിവരങ്ങൾ ലഭ്യമല്ല.
അതേസമയം ശനിയാഴ്ച ജലാലാബാദിൽ രണ്ട് താലിബാൻ ഭീകരരുടെയും പ്രദേശവാസികളുടെയും മരണത്തിന് ഇടയാക്കിയ സ്ഫോടനം നടന്നിരുന്നു.
